Erjon Vishkulli është 28-vjeçari që mbeti i plagosur në sy nga një plumb gome gjatë protestës së sotme në Tiranë.
Pamjet e publikuara nga protesta treguan 28-vjeçarin me fytyrën e mbuluar nga gjaku, pas plagosjes gjatë përplasjeve mes protestuesve dhe forcave të policisë. Ai u transportua me urgjencë drejt spitalit për të marrë ndihmë të specializuar mjekësore.
Sipas informacioneve paraprake, i riu dyshohet se është goditur nga një plumb gome i përdorur gjatë ndërhyrjes së policisë për shpërndarjen e protestuesve. Ende nuk ka një konfirmim zyrtar mbi rrethanat e sakta të ngjarjes.
Vishkulli është një emër i njohur për tifozët e futbollit shqiptar. Ai është pjesë e përfaqësisë së grupimit “Tifozat Kuq e Zi” dhe prej vitesh ndjek Kombëtaren shqiptare, duke qenë një nga figurat aktive të tribunave kuqezi.
Përtej pasionit për futbollin, familja e tij zotëron një biznes të prodhimit të vajit të ullirit në zonën e Elbasanit.
Këtë herë, 28-vjeçari ishte në rrugët e kryeqytetit si protestues, por përfundoi i plagosur.
Gjatë protestës së sotme protestuesit iu vunë flakën disa institucioneve dhe bizneseve, mes tyre një bankë e nivelit të dytë në “Vasil Shanto”. Policia u përgjigjet me gaz e plumba gome.
Është sulmuar edhe selia e PS-së, ndërsa sheshi ‘Skënderbej’ është kthyer në arenë ‘lufte’.
13 të plagosur janë raportuar zyrtarisht.
o.p / dita
