Ky është Jorgo Leku, 44-vjeçari i rrezikshëm shqiptar i arrestuar në Greqi me qëllim ekstradimi drejt vendit tonë pasi akuzohet se ka vrarë një nga ekzekutorët e Sokol Çapjas, Gentian Beqirin së bashku me babanë e tij.
Jorgo Leku është pjesë e grupit te Çapjave dhe njeriu që dyshohet se ka nisur 173 kg kokainë nga Pireu në Durrës.
Leku i cili ka lindur në Elbasan, por me banim në Gjirokastër njihet edhe me emra të tjerë si Olsi Leka, Giorgo Lekou, Jorgo Lekou.
Në masakrën e Elbasanit, ku u vranë Gentian dhe Nezir Beqiri, babë e bir, brenda banesës së tyre, rezulton se Leku ka kryer dhunimin barbar dhe më pas mbytjen me jastëk të të moshuarit, i cili nisi të kërkonte ndihmë kur pa që i vranë djalin e paralizuar.
Ngjarja u zbardh nga bashkëpunëtori i drejtësisë Bardhi, i cili dëshmoi se Çapjat paguan 25 mijë euro dhe dhanë urdhrin, pasi Gentiani ishte përfshirë në vrasjen e Sokol Çapjas në vitin 2006.
Ai krim që nisi sagën e hakmarrjes dhe rivalitetit për zotërim territori mes dy fiseve.
Bardhi moti pjesë në vrasjen e shokut të tij Beqiri sepse vetëm ai mund të hynte në banesën e tyre, teksa Çapjat e kërcënuan me familjen nëse nuk e bënte krimin.
