Një repist i ri me emrin e artit Dide është shndërruar në personazhin më të përfolur në Angli. Sipas mediave në Britaninë e Madhe, pas “maskës” së Dide fshihet një lojtar që aktivizohet në Premier League dhe me shumë gjasa bëhet fjalë për një lojtar të Arsenal, më saktë Eddie Nketiah. Edhe vargjet e këngës ku theksohet se për të çdo ndeshje është si një finale, i shtyn edhe më shumë të gjithë të mendojnë se bëhet fjalë për sulmuesin e Arsenal që pas shumë vitesh pretendon të rikthehet te titulli.
Tifozët mendojnë se “Dide” është thjesht një anagramë e cila nëse zbërthehet të dërgon tek emri i Nketiah, Eddie. Nga ana e vetë lojtarit të topçinjve nuk ka asnjë reagim, megjithatë kënga e re është shndërruar në hit teksa e publikuar gjatë fundjavës numëron më shumë se 132.000 shikime.
