Mimoza Paja, 58 vjeçe, ishte një grua që jetonte me qira pranë lokalit ku gjeti vdekjen. Ajo kishte nisur punë vetë dhjetë ditë më parë, për të siguruar të ardhurat për të dhe për mbesën që jetonte me të, vetëm 10 vjeçe. Një familje e shtresës së ulët dhe me probleme ekonomike, që i duhet të punonte fuqishëm për të mbijetuar. Për Mimozën, fqinjët shpërthyen në lot kur pyeten nga gazetarët. Paja jetonte me qira vetëm disa metra larg lokalit ku mbeti e vrarë mbrëmjen e së dielës, me djalin e saj Sajmirin dhe mbesën 10-vjeçare. Kjo e fundit është vajza e vajzës së saj, nga një martesë e parë, teksa pasi ishte martuar së dyti, e vogla rrinte me gjyshen.
I biri, Sajmiri, ka publikuar edhe një foto në rrjetet sociale, ku ka një mesazh prekës. Një detaj tronditës që mësohet për ‘termodinamikën fatkeqe’ të banakieres është edhe fakti se i duhej të punonte dy turne (16 orë) dhe madje të bënte punë të tjera si sanitare, pasi prej gjashtë muajsh nuk kishte paguar as qiranë e banesës sipas raportimeve të disa mediave. Dhe për më keq akoma, një vajzë jetime e rritur me shumë mundime, por që jetën ia morën plumbat hakmarrës të bandave kriminale në armiqësi me njëra-tjetrën.
