Autoritetet italiane kanë arritur të shkatërrojnë një bandë kriminale shqiptare, e përbërë nga pesë persona.
Siç raportojnë mediat italiane banda shqiptare ishte kthyer në makth për qytetarët në Itali. Grupi shqiptar akuzohet se ka kryer dhjetëra vjedhje në banesa të ndryshme në Milano, Bergamo, Monza, Brianza dhe Varese.
Në prangat e policisë kanë rënë katër pjesëtarët e grupit, përfshirë edhe drejtuesi i bandës.
I pesti i bandës është i vetmi që nuk është arrestuar. Samir, ky është emri i tij, një 38-vjeçar shqiptar. Vdiq më 20 tetor përgjatë Autostrada del Sole, Itali në një aksident tragjik pranë Modenës. Makina e tij, një fuoristradë Stelvio Quadrifoglio, e vjedhur dhe me targë të klonuar rrëshqiti teksa ecte me shpejtësi të plotë, përfundoi në parmakë dhe u përmbys. Brenda kishte para, sende të vjedhura të një grabitjeje si dhe drogë. Katër bashkëpunëtorët e tjerë u ndaluan dje nga agjentët.
Një bandë e organizuar, e disiplinuar, e pangopur. Me formacionin tipik, 41-vjeçari Andrea Alija, i njohur si “Bledi” në timon, 34-vjeçari Ermal Damzi si vëzhgues dhe dy akrobatët, Kristian “Kristi” Filopati 30 vjeç dhe 32-vjeçari Sajmir Damzi, i njohur si “Miri”, grabisnin shumë apartamente në ditë, kryesisht në provincat e Milanos, Monzës dhe Vareses.
Katër shqiptarët, të gjithë me precedentë penalë dhe policorë, akuzohen se kanë kryer 17 vjedhje, të kryera në vetëm 15 ditë, mes 14 dhe 28 tetorit.
a.c./dita
