Pas 12 vitesh, zbulohet audio që tregon se çfarë ka ndodhur gjatë protestës së përgjakshme të 21 janarit, ku u vranë: Ziver Veizi, Hekuran Deda, Aleks Nika dhe Faik Myrtaj.
Ka qenë gazetari Artan Hoxha i cili ka publikuar sot një regjistrim audio e cila sipas tij, është regjistruar nga një vend aleat, pasi të gjithë regjistrimet e bëra nga autoritetet vendase, janë fshirë.
“Pushteti u sigurua t’i fshinte pamjet. Përveç shqiptarëve, aty kishte dhe diplomatë të huaj. Kishte njerëz shumë të kualifikuar të vendeve aleatë që nuk mund të rinin pa e parë këtë ngjarje.
Ata e kanë regjistruar këtë gjë dhe është mbajtur si provë. Më është vënë në dispozicion për të akorduar ngjarjet, për të lidhur zërin me figurën.
Jam tronditur kur e kam dëgjuar. Aty kupton se çfarë ka ndodhur. Kjo është një provë e fortë që tregon se protestuesit janë vrarë me urdhër”- deklaroi Hoxha në emisionin Zona Zero.
m.b./dita
