Të gjitha Bashkitë e vendit do duhet të dorëzojnë pranë Ministrisë së Financave një plan të detajuar për daljen nga kriza, deri më 15 korrik të 2022.
Në takimin me kryebashkiakët e vendit, që po mbahet te Pallati i Kongreseve, i thirrur nga kryeministri Edi Rama, ministrja e Financave, Delina Ibrahimaj renditi bashkitë më problematike, sa i përket financave, ku përmendi Bashkitë e Vorës, Kavajës, Cërrikut, Belshit dhe Malësisë së Madhe.
“Brenda 15 korriku, çdo bashki duhet të dorëzojë një plan të detajuar për daljen nga kriza. Për bashkitë me vështirësi serioze financiare, plani do të bëhet nga Ministria e Financave. Nga viti 2020 në 2021 kemi pasur një rritje të performancës. Vlora, Poliçani, Korça, Kurbini e Tepelena e kanë reduktuar me 10% performancën e tyre financiare, duke kaluar nga zona portokalli në zonën jeshile, pra pa probleme financiare. Por, kemi bashkitë Vorë e Kavajë, që vijon të jetë me probleme financiare. Janë tre bashki, që kanë përkeqësuar situatën financiare, si bashkia Cërrik, Belsh dhe Malësi e Madhe. Ekselente në menaxhimin e financave janë bashkitë Gjirokastër, Patos, Këlcyrë, Shkodër e Korçë. Përgëzoj bashkinë Elbasan dhe Tiranë, që e kanë stokun e detyrimeve të prapambetura nën 5% të shpenzimeve të tyre”, tha ministrja Ibrahimaj.
j.l./ dita
Po si do dalin nga kriza kur ndermarjet e ujsjellsave hane gjysmen e fondeve per paga se i kane mbushur me militante qe vetem marrin rrogen dhe nuk i njeh kush brenda oborrit te ndermarjes se nuk vijne as ne pune . Duhet nje strukture page e miratuar ne shkalle kombetare per ujsjellsat dhe jo te lihet ne dore te Drejtoreve qe mbushin administraten me njerez te vet , militante, e kusherinj. Dhe pastaj bashkite kane mbivendosje njerzish , ka superadministrate , qe nuk e dijne me cfare merren dhe trotuaret e qyteteve lengojne nga gropat, rruget ne qytete kane gropa prej vitesh qe nuk mbushen dhe ne bashki nuk ka asnje strukture qe te kujdeset per trotuaret e demtuar, apo gropat e rrugeve, por merren me punet e medha te Bashkise.
Tani do behen “Esull”.
Me mire vone se kurre.