Gazeta DitaGazeta DitaGazeta Dita
Njoftime Shfleto më tepër
Font ResizerAa
  • Kreu
  • Opinion
  • Politikë
  • Ekonomi
  • Bota
  • Kronikë
  • Sport
  • Kulturë
  • Histori
  • Kendi i Kryeredaktorit
  • Investigim
  • Dita TV
  • Kopertina
  • Arkiva
  • RRETH NESH
Duke lexuar: Kuvendi, teatri politik ku qytetari paguan faturën
Shpërndaje
Gazeta DitaGazeta Dita
Font ResizerAa
  • Kreu
  • Opinion
  • Politikë
  • Ekonomi
  • Bota
  • Kronikë
  • Sport
  • Kulturë
  • Histori
  • Kendi i Kryeredaktorit
  • Investigim
  • Dita TV
  • Kopertina
  • Arkiva
  • RRETH NESH
Kerko
  • Kreu
  • Lajmi i fundit
  • Kryesore
  • Aktualitet
  • Analiza
  • Politike
  • Ekonomi
  • Kronike
  • Opinion
  • Kendi i Kryeredaktorit
  • Bote
  • Sport
  • Dita TV
  • Lifestyle
  • Enciklopedi
  • Europa/Analize
  • Histori
  • Kendi i Kryeredaktorit
  • Komunitet
  • Kopertina
  • Kulture
  • Kuriozitete
  • Metropol
  • Shendetesi
  • Teknologji
  • Telebingo
  • Televizion
  • RRETH NESH
Sign In
Na ndiqni
Gazeta Dita > Blog > opinion > Kuvendi, teatri politik ku qytetari paguan faturën
opinion

Kuvendi, teatri politik ku qytetari paguan faturën

Published: September 30, 2026
Shpërndaje

Nga Filip Çakuli

Kuvendi shqiptar nganjëherë të krijon përshtypjen e një shtëpie publike politike.

Qytetari paguan faturën, por nuk hyn në sallë.

- Publicitet -

Ai paguan taksat, paguan energjinë e institucionit, paguan rrogat e deputetëve, paguan administratën, paguan edhe kafenë që pihet gjatë seancave. Vetëm një gjë nuk i lejohet: të marrë pjesë në shfaqje.

Për të është rezervuar vetëm bileta e televizorit.

Dhe nga ekrani sheh përfaqësuesit e vet duke bërë gjithçka, përveç asaj për të cilën i ka votuar.

Në vend që të qajnë hallet e zonave të tyre, hanë njëri-tjetrin.

Njëri sulmon tjetrin. Tjetri ia kthen. Pastaj fillon gara e fjalorit. Nxirren nga magazina personale historitë, fyerjet, insinuatat dhe banalitetet. Foltorja e Kuvendit kthehet herë në tribunë politike, herë në ring boksi dhe herë në oborr pallati.

Në ndonjë moment, televizori duhet të mendojë seriozisht për një shirit poshtë ekranit:

“KUJDES: GJUHË E PAPËRSHTATSHME. +18.”

Jo se ka ndonjë film erotik. Është thjesht seanca plenare. Madje mund të shtohet edhe një paralajmërim tjetër:

“Prindërit këshillohen të mos i lënë fëmijët të ndjekin deputetët, pasi mund të mësojnë fjalë që nuk i kanë dëgjuar as në rrugicën e lagjes. Supozohet se politika është profesioni i dytë më i vjetër pas prostitucionit. Unë kam kuptuar që ai ka shumë ngjashmëri me profesionin e parë më të vjetër”. (Ronald Regan)

Dhe ndërkohë, jashtë kësaj shtëpie publike politike, qëndrojnë klientët e vërtetë të demokracisë.

Pensionisti pret pensionin.

I sëmuri pret ilaçin.

I varfri pret ndihmën.

I pastrehu pret një çati.

Rrogëtari pret fundin e muajit, ndërsa rroga ka mbaruar disa ditë më parë.

I riu pret një punë.

Familja pret të mos i vijë pronari për qiranë.

Por asnjëri prej tyre nuk ka mikrofon në Kuvend.

Ata kanë vetëm votën.

Dhe vota, siç duket, ka një funksion shumë të veçantë në këtë sistem: shërben për të hapur derën e shtëpisë publike, pastaj qytetari nxirret jashtë. Siç e ka përcaktuar Makiaveli, politika nuk ka lidhje me moralin.

Brenda fillon shfaqja.

Nga njëra anë kemi paradën e sukseseve. Çdo gjë është historike. Çdo reformë është madhështore. Çdo statistikë është rekord. Çdo projekt është transformues.

Nga ana tjetër kemi varrimin e vendit. Gjithçka është skandal. Gjithçka është korrupsion. Gjithçka është dështim. Shqipëria, sipas kundërshtarëve, duket sikur është një vend që ka harruar të shembet vetëm ngaqë nuk ka gjetur ende kohë.

Dhe kështu, njëra palë prodhon lavdi, tjetra prodhon katastrofa.

Nga njëra enë del parfumi i suksesit; nga tjetra kundërmon kufoma e dështimit.

Qytetari ndërkohë pyet:

“Po pensioni im?”

Asgjë.

“Po puna e djalit?”

Asgjë.

“Po qiraja?”

Asgjë.

“Po spitali?”

Asgjë.

“Po çmimet?”

Asgjë.

Por mos u shqetësoni.

Deputetët po merren me njëri-tjetrin. Dhe kur argumentet mbarojnë, fillojnë bërrylat. Bllokohet foltorja.

Ndërpritet seanca. Kryetari i Kuvendit kërkon qetësi. Askush nuk qetësohet. Dhe sç ka thënë Aristoteli, “Karakteristikat e një politikani popullor; një zë i tmerrshëm, një edukim i keq dhe një sjellje vulgare”.

Pastaj vjen polici i padukshëm i demokracisë shqiptare: kartoni.

Ngrihet kartoni i shumicës. Dhe gjithçka merr fund.

Ligji kalon.

Vendimi kalon.

Shumica vendos.

Kaq.

Pas gjithë atij teatri, pas gjithë atyre fjalimeve, pas gjithë atyre sharjeve, pas gjithë atij spektakli që do ta kishte zili edhe një reality show, demokracia reduktohet në një pyetje elementare: Sa kartonë keni?

Nëse ke numrat, ke të drejtë.

Nëse nuk ke numrat, mund të bërtasësh deri nesër.

Kjo është ndoshta pjesa më groteske e gjithë historisë.

Sepse në demokraci qytetari duhet të jetë pronari. Këtu pronari paguan faturën, zgjedh stafin, i jep çelësat dhe pastaj rri jashtë derës duke dëgjuar zhurmën.

Brenda, stafi grindet për klientelën. Dhe në fund i thotë pronarit: “Mos u shqetëso. Gjithçka po bëhet për ty.”

Ky është momenti kur qytetari duhet të kontrollojë ku e ka lënë kontratën. Sepse ndoshta ka votuar për një Kuvend populli, ndërsa i kanë dorëzuar një shtëpi publike politike.

Dhe faturën?

Faturën vazhdon ta paguajë vetë. “Mendoj se politika është një gjë tepër serioze për t’ua lënë në dorë politikanëve. (Sharl de Gol).

TCH

Shpërndaje këtë artikull
Facebook Email Printo
3 Comments
  • Anonymous says:
    September 30, 2026 at 2:39 pm

    Bordello politike,
    bordello mediatike,
    është epsh për pushtet,
    është luftë për karrige.

    Reply
  • per sherbetoret e pushteteve ka vetem neveri says:
    September 30, 2026 at 2:42 pm

    Por ti o Lipe Shtogu-Caklli nuk je qytetari jo, ti je langaraqi servil i pushtetit.
    Ja, sa te qeroi ty Fiks Fare dhe ja mballosi Beles duke dergu gazetaren e vertetuar para tere qytetareve (qe ti ke merak) se emerimet ne ate ministri i ben serish Bela e shkarkuar, nepermjet sejmenit Man Kukaleshit saj atij Karakacos!
    Sa ishe ti ne Fiksi nuk guxoi kush ta tregonte nxirjen e surratit pushtetit se ishe ti bojaxhiu qe mundohej tja gelqeroste.

    Reply
  • demo says:
    October 1, 2026 at 4:08 am

    Institucioni me i urryer pas Edi Rames.

    Reply

Leave a Reply Cancel reply

Your email address will not be published. Required fields are marked *

Lajmi i Fundit

  • 17 nëntor 2026
  • Shenja në qafë, plagë në shpatull dhe fytyrë, BBC publikon ekspertizën private: E mbytën nga pas, Epstein nuk kreu vetëvrasje
  • “Siguroni ujë, ushqim dhe ilaçe për 72 orë”! Pse ky urdhër, për çfarë duhet të jemi të përgatitur
  • Ndërron jetë papritur vëllai i ish-deputetit
  • E RËNDË: Përplaset me fadromën në autostradën Fier-Vlorë, humb jetën kreu i Antikrimit të Vlorës

Komentet e Fundit

  1. K R on Kryeministri i Shqipërisë bën batuta në Bruksel me gangstera rusë dhe lodra kineze
  2. Dashnor Osmani on Peshku në det, tigani në zjarr
  3. Privilegjet e kastës–Pabarazia–E vërteta on A kanë ekzistuar Eva dhe Adami? Një udhëtim nga Shkenca, te mendja e Krijuesit
  4. Une, uje,uje on Kryeministri i Shqipërisë bën batuta në Bruksel me gangstera rusë dhe lodra kineze
  5. Cesma pa uje on VIDEO: Fotografimi më i saktë i mjerimit tonë politik

Kategori

Merr te rejat më të fundit

Ndiqni Gazeta Dita duke vendosur emailin tuaj më poshtë dhe do të njoftoheni për të rejat më të fundit

[mc4wp_form]

Gazeta DitaGazeta Dita
© Copyright Gazeta Dita 2012. Të gjitha të drejtat e rezervuara



Welcome Back!

Sign in to your account

Username or Email Address
Password

Lost your password?