Presidenti i Ukrainës Zelensky ka dhënë “lajm të mirë”, duke pretenduar rimarrjen e disa qyteteve të cilat mbaheshin nga forcat ruse.
Thashethemet kanë qarkulluar prej ditësh për një përparim të mundshëm në rajonin lindor të Kharkiv, por pa asnjë fjalë nga zyrtarët ukrainas.
Zelensky nuk pranoi të përmendte se cilat qytete ishin rimarrë, duke thënë se “tani nuk është koha për t’i emërtuar”.
Zyrtarët amerikanë thanë se Ukraina po bënte “përparim të ngadaltë por domethënës” kundër forcave ruse.
Duke folur në fjalimin e tij të natës me video për ukrainasit, Presidenti Zelensky tha se kishte “lajme të mira” për suksesin e përfolur të trupave ukrainase.
“Unë mendoj se çdo qytetar ndihet krenar për ushtarët tanë,” tha ai, duke përmendur njësi të veçanta ushtarake dhe duke duartrokitur trimërinë e tyre në luftime.
Por ai tha: “Tani nuk është koha për të emërtuar vendbanimet në të cilat kthehet flamuri ukrainas”.
Ukraina ka forcuar sigurinë e saj operacionale javët e fundit, duke ndarë pak detaje në lidhje me një kundërofensivë të pritshme gjerësisht në lindje dhe jug.
Ushtarët ukrainas kanë nisur një ofensivë në jug-lindje të Kharkiv, drejt rajonit lindor të Donetsk, mbi të cilin Rusia ka mbajtur kontroll të konsiderueshëm ushtarak që nga fillimi i luftës gjashtë muaj më parë.
a.m/dita
