Nga Viktor Malaj
Botuar në DITA
Meqënëse unë rrjedh nga një familje antikomuniste, me gjyshin të pushkatuar dhe dajat të internuar, i jap vetes të drejtë të bëj disa propozime thellësisht antikomuniste pasi kam bindjen se mosndëshkimi i komunizmit të vdekur para 32 vitesh dhe i komunistëve që na e kujtojnë atë herëpashere me disa parulla, flamuj, fotografi apo shkrime të rralla, është shkaku i vetëm që ne ende sot vazhdojmë të jemi vendi i fundit në Evropë sa i përket nivelit ekonomik e shtetit ligjor dhe ndër vendet e para sa i përket krimit, korrupsionit, trafikut të drogës, femrave dhe fëmijëve.
Po ta kishim dënuar komunizmin qysh në fillim, merret lehtë me mend se sot do të ishim në udhëheqje të vendeve evropiane sa i përket arritjeve ekonomike dhe, sidomos, atyre demokratike dhe të shtetit ligjor, parime të cilat i kemi pasur në gjak prej shumë shekujsh.
Të parët e mi, megjithëse analfabetë, me intuitën dhe formimin e tyre modern e demokratik, aq sa edhe atdhetar, kanë qenë gjithmonë kundër komunizmit dhe komunistëve, prandaj edhe gjyshi im iu shërbeu me përkushtim pushtuesve italianë e gjermanë. Duke e ditur se as italianët dhe as gjermanët nuk ishin pushtues, por dashamirës të mëdhenj të Shqipërisë dhe shqiptarëve, që kishin ardhur këtu për çlirimin e Shqipërisë nga sundimi i satrapit Ahmet Zogu dhe parandalimin e vendosjes së sistemit komunist, se ata lanë pas dore punët dhe hallet e popujve të tyre dhe u kthyen këtej pari nga viset tona për të na shpëtuar ne nga dy rreziqet e lartpërmendur, të parët e mi i pritën ata me krahë hapur si çlirimtarë.
Kjo ndjenjë dhe ky qendrim përputheshin plotësisht me vizionin, idealizmin, largpamësinë dhe atdhedashurinë e paraardhësve të mi, prandaj ata nuk kursyen asgjë që t’i ndihmonin miqtë tanë nazi-fashistë në vendosjen e Rendit të Ri Botëror, një rendi demokratik, liberal dhe human.
Fatkeqësisht, aleatët dhe miqtë tanë italo – gjermanë e humbën luftën dhe kjo solli edhe ndëshkimin e padrejtë të paraardhësve të mi të cilët, thjesht dhe për hir të atdheut, kishin vrarë, spiunuar dhe syrgjynosuar ata që luftonin kundër miqve tanë të ardhur nga Italia e, më pas nga Gjermania, vetëm për të mirën tonë si komb. Meqënëse gjatë këtyre tri dekadave e kanë qeverisur Shqipërinë komunistët dhe pasardhësit e tyre, nuk është bërë i mundur sa duhet dekomunistizimi i vendit dhe i popullit.
Për ta realizuar këtë me sukses, unë propozoj miratimin e një ligji, i cili do t’i detyrojë të gjithë shqiptarët të unifikojnë mendimet, ndjenjat dhe gjykimet e tyre rreth sistemit totalitar komunist, duke e shpallur atë unanimisht si kriminal dhe duke e ndëshkuar publikisht. Kur të arrihet kjo, atëherë edhe ne që e ulëm kokën për pesëdhjetë vjet do të lartësohemi dhe kalojmë në histori si elita intelektuale, morale dhe atdhetare e vendit.
Për t’ia arritur këtij qëllimi nevojitet që me ligj dhe detyrim shtetëror t’i bëjmë të gjithë shqiptarët të pranojnë me vetëdije historinë e vërtetë të regjimit komunist, domethënë atë histori që tregoj unë dhe sivëllezërit e mi që kemi qenë të rreshtuar dikur në anën e Rendit të Ri Botëror, rendit demokratik dhe antikomunist dhe jo historinë që kanë trilluar e treguar bastardët e komunizmit që, jo vetëm iu vunë pushkën shpëtimtarëve të atdheut tonë, ushtrive të ndritura të Savojës e Rajhut të Tretë, por na burgosën, vranë e internuan edhe ne pasardhësve të antikomunistëve dhe nacionalistëve, vetëm pse ne vazhduam me pasion rrugën e të parëve tanë, duke spiunuar, terrorizuar apo sabotuar kundër sistemit të komunistëve gjakatarë.
Për të arritur suksesin e duhur në demaskimin dhe ndëshkimin e sistemit totalitar komunist ne duhet të miratojmë një ligj, i cili të sanksionojë se ” Regjimi Komunist ” ka qenë regjimi i Shqipërisë nga 30 nëntor 1944 deri 1 tetor 1991, dhe jo siç e patëm miratuar në vitin 2010, duke e caktuar datën e vdekjes së komunizmit në 8 dhjetor 1990, kur lindi partia ime, e cila u uzurpua nga disa komunistë që njihen tashmë.
Dekomunistizimi nuk mund të bëhet me fjalë por duhen vepra dhe ligje dhe, madje, ndëshkime ligjore, deri me burg për ata që s’do t’i binden këtij ligji. Organi mbishtetëror që do të merret me këtë punë dhe që do të ketë atributet e prokurorisë, gjykatave dhe policisë, duhet të jetë ” Instituti i Studimeve të Krimeve dhe Pasojave të Komunizmit “, i cili do të quhet këtej e tutje ” Autoriteti Qendror “. Të gjithë shtetasit shqiptarë dhe institucionet shtetërore duhet t’i binden atij, jo vetëm lidhur me paraqitjen e historisë së vërtetë, por edhe lidhur me censurimin dhe ndëshkimin e çdo përpjekjeje pë ta paraqitur ndryshe historinë e kaluar apo, larg qoftë, për të ekspozuar ndonjë simbol, ide, teori, koncept, vepër letrare e artistike, piktura, skulptura, këngë, shpikje shkencore, lapidare, krijime popullore etj.etj. që i përkasin asaj periudhe të errët dhe mizore.
Ne vërtetë kemi luftuar për pluralizmin e mendimit, por jo për mendimin dhe shijet komuniste. Pra, pluralizmi ynë ideologjik, politik dhe artistik nënkupton shumësinë e mendimeve, gjykimeve dhe ideve të njëjta. Ne duhet të përcaktojmë natyrën e Luftës Nacional – Çlirimtare si një luftë civile dhe jo çlirimtare pasi pushtuesit e vërtetë ishin komunistët shqiptarë dhe jo nazi-fashistët e Italisë e Gjermanisë. Gjithashtu, datën e çlirimit e përcaktojmë ne, pasi, në të vërtetë, ai ishte pushtim dhe jo çlirim. Të gjithë drejtuesit e PKSH-së dhe të UNÇL duhet të shpallen kriminelë, ndërsa anëtarët e qeverive shqiptare, mikpritëse dhe ndihmëse të ushtrive çlirimtare nazi-fashiste, ashtu si shqiptarët e tjerë që iu ndihmuan miqve tanë italo-gjermanë për të gjetur, arrestuar, internuar dhe zhdukur komunistët dhe të gënjyerit prej tyre që rrëmbyen armët gjatë viteve 1939-1944, duhet të shpallen nacionalistë, idealistë, atdhetarë dhe heronj.
Duhet të dënohet me forcë Konferenca e Pezës si një mashtrim komunist dhe të ngrihet lart Konferenca e Mukjes si një arritje e madhe e Nacionalizmës, e sabotuar nga tradhëtarët komunistë.
Duhet të shkatërrohen e zhduken një herë e mirë edhe ato pak lapidare që kanë mbetur dhe përkujtojnë betejat kundër miqve tanë nazi-fashistë, ashtu si duhet të hiqen sa më parë të gjithë emrat e rrugëve, shesheve, qyteteve, urave që tregojnë ngjarje që lidhen me luftën apo pasluftën. Veçanërisht, duhet të shpallen si të rrezikshme për vendin dhe kombin simbole të tilla si flamuri me yll, madje edhe vetë ylli, shalli i kuq me tre cepa, stemat me ” pushkë, kazmë, libër ” apo ” drapër e çekan “.
Tani është e papranueshme që të turbullojmë mendjet dhe shpirtin demokratik të rinisë tonë duke iu shfaqur atyre fantazmat e pushkës kur dihet se ne s’kemi kurrfarë ushtrie dhe as armë në duart e qytetarëve pasi na mbron NATO dhe, siç shihet përditë, qytetarët shqiptarë i urrejnë armët prandaj nuk pipëtin askund një krismë arme. Është e turpshme që tani, në shekullin e internetit t’iu shfaqim shqiptarëve, sidomos brezit të ri të përkushtuar pas qejfit, drogës dhe lakuriqësisë, pamjet e kazmave. Kazma tregon prapambetje pasi ajo është komuniste.
Edhe paraqitja e stemave me fjalën ” libër ” është më se e papërshtatshme dhe e dëmshme për një rini që ëndërron emigracionin, bixhozin, drogën, bashkëjetesën dhe mund t’i marrë diplomat pa u stërmunduar si skllevër mbi libra, madje edhe onlajn nga Anglia duke punuar në ” shtëpitë e barit ” dhe dhënë provimet kur iu tepron koha.
Duhet të ndalohet rreptësisht transmetimi i filmave, dramave dhe komedive të periudhës komuniste, nëpërmjet të cilave ngrihej lart figura e punëtorëve e fshatarëve apo ajo e mësuesit apo mjekut që, me dhunë, shkonte e iu shërbente njerëzve deri në fshatrat më të thellë. Heronj të tillë të shpifur si Ndrec Ndue Gjoka, Shkurte Pal Vata, Isuf Emin Plloçi, ” Deda ” tek ” Rrugë të Bardha ” etj. që japin jetën për t’i shërbyer popullit duhet të mos shfaqen më në ekranet tona sepse infektojnë rininë por duhet të zëvendësohen me heronjt e ri të kohës, siç janë ata që kanë aftësinë të pasurohen pa punuar, ose me bixhoz, prostitucion e korrupsion dhe që ne i quajmë VIP-a, pra Persona Shumë të Rëndësishëm.
Jo pak prej tyre kanë dëshmuar heroizma, duke flijuar edhe jetën për të mirën vetjake, në luftë me bandat rivale. Ne duhet të varrosim një herë e mirë çdo ideal të rremë shoqëror e kolektiv dhe t’i edukojmë brezat me ndjenjat humanitare të individualizmit, komercializmit, konsumizmit etj., në mënyrë që në luftë për arritjen e ambicjeve dhe famës private të forcohet dinjiteti i njeriut tonë të ri që sakrifikon deri aty sa të zhgërryhet rrugëve të Perëndimit për para apo t’iu shërbejë si nevojtore sheikëve të Lindjes. Ky lloj heroi do ta fundosë përfundimisht heroin e shpifur të Realizmit Socialist.
Aktorë të tillë si Mihal Popi, Naim Frashëri, Kadri Roshi, Robert Ndrenika, Tinka Kurti, Margarita Xhepa, Serafin Fanko, Tano Banushi etj. nuk duhet t’i shohë më publiku shqiptar pasi janë vulgarë dhe kanë luajtur role sipas shijeve komuniste. Ata duhen zëvendësuar me aktorë demokratë të sotëm si ata të emisioneve ” Al Pazar “, ” Portokallia “, ” Apartamenti 2XL” etj. që demonstrojnë një nivel të paarritshëm artistik dhe, sidomos, etik. Këngëtarë si Vaçe Zela, Nexhmije Pagarusha, Parashqevi Simaku, Bashkim Alibali, Anita Take, Ardit Gjebrea, Avni Mula, Bujar Qamili, Fatime Sokoli, Françesk Radi, Kastriot Tusha, Sabri Fejzullahu etj. tashmë janë të dalë jashtë mode dhe duhen zëvendësuar me brezin e ri të këngëtarëve të paarritshëm të muzikës shumë të kultivuar ” Rap ” si Stresi, Noizy, Elai, Don Xhon etj. të cilët, me këngët e tyre, megjithëse banale dhe të pakuptueshme për 90% të popullsisë, i shërbejnë demokracisë dhe atdheut, sepse me vulgaritetin e tyre i ngrejnë kult armëve, drogës, seksit, qejfit dhe shthurjes, domethënë lirisë së individit, të cilën e shtypte pa mëshirë sistemi totalitar komunist.
Këngët për nënën, gjyshen, fëmijët, ” për ty atdhe “, shokun etj. duhen zëvendësuar me ato për dashnoret, seksin, paratë etj. në mënyrë që t’i shërbehet si duhet formimit të njeriut të ri antikomunist.
Duhet sanksionuar me ligj që të ndalohet Gjuha Standarde Letrare pasi është krijim kriminal dhe i padrejtë komunist dhe duhen lënë të lirë njerëzit të shkruajnë apo flasin gjuhën e krahinës, fshatit, lagjes apo fisit sepse nga larmishmëria vjen zhvillimi dhe uniteti kombëtar. Edhe universiteti i krijuar nga ai sistem vrastar duhet mbyllur, pasi tani kemi me dhjetëra universitete private të nivelit botëror, për promovimin e të cilëve edhe neokumunisti i korruptuar Edi Rama akordoi vjet shtatë milion dollarë.
Kujdes i madh duhet bërë për ndalimin e botimit dhe qarkullimit të veprave letrare të periudhës komuniste, duke përfshirë edhe Kadarenë, Agollin etj. sepse aty lartësohet figura e Hoxhës dhe PPSH-së. Poezi të tilla si ” Nënë Shqipëri ” apo romani ” Dimri i Madh ” duhen zëvendësuar me poezitë moderne si ” Vrima ” që u shpall fituese çmimesh kombëtare para pak vitesh meqë ngrinte lart kultin e seksit dhe incestit, apo me ” letërsinë e burgjeve ” sepse ajo nuk është e politizuar dhe ka nivel të paarritshëm artistik.
Duhet ndaluar me çdo kusht ekspozimi apo leximi i librave të kriminelit Hoxha dhe duhen promovuar botimet dhe leximet e librave të demokratëve të mëdhenj Adolf Hitler, Gebels, Çiano etj.etj.. Skulptura të tilla si monumenti ” Nënë Shqipëri ” apo ai i Pavarësisë në Vlorë duhen shembur dhe zëvendësuar me monumentet e heronjve të vrarë për trafik armësh si ai i A. Hajdarit apo me vepra të tilla arti si ” BunkArt “, ” Shtëpia me Gjethe ” etj. sepse vetëm këto paraqesin historinë e vërtetë.
Siç e dini dhe e mirëkuptoni, projektligji që propozoj mbështetet mbi parimet demokratike të ligjshmërisë, të së drejtës së informimit ( vetëm prej nesh ), garantimit të lirive dhe të drejtave themelore të njeriut siç e thekson qartë edhe Kushtetuta jonë e cila, në nenet 22 – 24 ka sanksionuar të drejta të tilla si ” Liria e shprehjes është e garantuar. Liria e shtypit, e radios dhe e televizionit është e garantuar.
Censura paraprake e mjeteve të komunikimit ndalohet. Secili është i lirë të zgjedhë bindjet, ose t’i shfaqë ato individualisht, në publik ose në jetën private “. Siç e dini, megjithëse kjo Kushtetutë është meritë ekskluzive e partisë time, e cila e bojkotoi referendumin për aprovimin e saj, ne duhet të kemi parasysh që neneve të mësipërm t’iu bëjmë një interpretim demokratik kur vjen puna për ndalimin dhe ndëshkimin e simboleve, letërsisë dhe artit të para 1990.
Për të ndëshkuar regjimin totalitar komunist është e lejueshme çdo shkelje kushtetuese pasi, siç e dini, ai regjim, përveç se ishte kriminal, ishte edhe i prapambetur sepse në vitet ’40 të shekullit të kaluar ndaloi një pjesë të vogël të letërsisë së mëparshme, kurse ne duhet të ndalojmë sot çdo shenjë apo simbol të asaj periudhe. Kjo i dallon demokratët e vërtetë nga totalitaristët dhe diktatorët.
Siç e kam theksuar më sipër, prej 32 vitesh, fatkeqësisht, qendrimet historike kanë qenë të ndryshme, duke krijuar konfuzion dhe keqkuptime rreth të vërtetës historike. Ky projektligj që do të paraqesim ne në Parlament ka si qëllim pranimin me vetëdije të detyruar të së vërtetës historike të regjimit totalitar, si dhe realizimin e paqes sociale, pajtimin dhe unitetin kombëtar, në mënyrë që në të ardhmen të ndërtohet një shtet i së drejtës, demokratik e social që ka në themel mbrojtjen e dinjitetit dhe personalitetit njerëzor, si ai që patëm nisur të ndërtonim ne në vitet ’90 por që na e penguan rebelët komunistë.
Paqja sociale, pajtimi dhe uniteti nuk mund të arrihen pa e ndëshkuar unanimisht dhe plotësisht një epokë historike dhe një formacion politik, pa zhdukur çdo shenjë të saj. Do të ketë reaksion kundrejt ligjit dhe shkelje të tij duke evidentuar ndonjë gënjeshtër historike sikur ai sistem zhduku analfabetizmin, arësimoi gjithë popullsinë, krijoi një shërbim mjekësor gjithëpopullor dhe falas, zëvendësoi bishtukun dhe flakën e pishës me energjinë elektrike, ndërtoi 700 km hekurudha dhe broçkulla të tilla, të cilat duhet të ndëshkohen shpejt dhe pa mëshirë nga Autoriteti Qendror mbishtetëror, të cilit duhet t’i binden të gjitha institucionet shtetërore.
Kriptokomunistët do të thonë se edhe ne demokratët kemi vrarë, madje pa gjyq, dhe jemi betuar se do të vrasim sërish nëse dikush na kërcënon pushtetin dhe do ta bëjmë këtë me urdhër të Babës non-grata, me autorizim të dajës plak apo thjesht për shkak të ndjenjave dhe pasioneve demokratike. Ne nuk duhet të turpërohemi dhe as të ngurojmë ta pranojmë këtë, ashtu si vrasjet që u kemi bërë partizanëve dhe komunistëve tradhëtarë, gjatë dhe pas luftës, sepse i kemi bërë dhe do t’i bëjmë këto për hir të demokracisë, lirisë dhe atdheut. Duke perifrazuar idhullin dhe Atin tonë politik, që tani po na del njerk, i cili thoshte se ” Papunësia në demokraci nuk është si papunësia në diktaturë “, më duhet të shpreh bindjen e thellë demokratike se as vrasjet dhe as censura në demokraci nuk janë si ato në diktaturë.
Megjithëse Himnin Kombëtar nuk e patën krijuar komunistët, fakti që ata e pranuan për gati 50 vjet, shërben si obligim për ne demokratët antikomunistë ta ndryshojmë atë pjesërisht. Kështu vargjet ” Prej lufte veç ai largohet, që është lindur tradhëtor ” të zëvendësohen me vargjet ” Prej lufte veç ai largohet, që është lindur atdhetar “, ndërsa si refren të Himnit propozoj të shtohen vargjet: Mua m’quajnë Alibegu/ Lum Shqipëria që më ka/ Ku shkoj unë piqet shelegu/ Kësi heroi kurrë s’është pa.
E ndjej detyrim moral, filozofik dhe demokratik të pohoj se ata që s’do ta votojnë projektligjin tonë, duhet të shpallen unanimisht neokomunistë, punistë, antidemokratë dhe tradhëtarë.
Me respekt
Demokrati 24 karatësh Hamza Alibegu
ME NJE FJALE TI HAMZA….DASHKE LUFTE CIVILE…….
Ok,V.Malaj.Derri do plumb thot Çoppulli.E meqë armët e fishekët i do S.Berisha për 44.000 luftëtarët(militsntët) e tij,Gazetarët PATRIOT TË DITËS TË VAZHDOJNË TË “VRASIN” ME PAMBUK,Derisa Militanti fundit i gënjyer prej tij ti bashkohet 80-85 % të Popullit+SHBA+BE..që po kërkojnë një DEMOKRACI TË VËRTET NË SHQIPËRI,Të dhunuar nga 2 përbindëshat Nd/ Planetar Sali Ram Berisha dhe Ilir Rexhep Meta(Metaj) dhe DREJTËSIA E TREDHUR PREJ TYRE QË NË 1992.
-Si qytetar i thjeshtë tanimë,Po i bie BALLAS QË TA KUPTOI MË SHPEJT AI SI UNË.FLM
Keshilla praktike nga Hamdi Sulcebegu ! Po crendesi ka se ke qene famile antikomuniste, me daja teze te pushkatuar nga komunizmi ?!!! Kjo nuk do te thote qe ato qe thua jane 100% te verteta! Ca jane ca nuk jane dmth ja fut p[ordhes, si “Familjet e Deshmoreve” qe mernin benefitse nga sistemi komunist dhe tratoheshin me nje status te vecante!
Qysh kur erdhi ne pushtet Sali Berisha ishkomuniti me kontribute 25 vjeare ne PPSH INJEKTOI PSIKOLOGJINE KOMUNISTE te “Biografise se mire” dhe e drejtoi shtetin me njere ish te presekutuar qe ishin analfabet, qe u degjohej zeri edhe perceshtje te rendesishme shteterore ! dhe kjo u konsiderua si fjala e lire !
Dhe te gjithe e dine se si ky mentalitet i “Biografise se mire” dhe jo mentaliteti i Merites, dhe zotesise e fundosi shtetin ne 1997 ne nje kaos total, krimi te denueshme ! Uvrane mbi 3000 vete dhe u vodh pasuria kombetare!
–
Prandaj ndjej neveri per shkrime te tilla! Ne fakt mentaliteti komunist, qe ne pretendojne se eshte zhdukur egziston 100% ne kokat e “anti komunisteve” dhe atyre me biografi te bababallareve te persekutuar!
Ne nje shoqeri demokratike njerzit duhet te vlersohen te barabarte dhe nga meritat personale, ose kultura arsimore personale!
Ne jemi ish partizane,ish komunista ,ish BRPSH,ish anetare te Frontit demokratik dhe ju demokratet e sotem doni te na ndryshoni mendjen ne.Shume bukur:
-na leni te evulojme vet duke pare se sa e lumtur eshte jeta nen sundimin demokrat.
-pushoni vrasjet e shqiptareve prej shqipove
-ndaloni skllaverine prej pasanikeve demokrat te Edit
…….
32 VJET MISH-MASH:
-Në 800 TV+Pordhëtalet e Saliut Komunist i konvertuar Antikomunist i tërbuar pas ’90’tës.. dëgjojmë të ngatërrohen qëllimisht ose me vetë-Die:Komunizmin-Antikomunistin-SHIK-asin-Spiunin e Sigurimit të Shtetit-Puntorin Operativ të Sigurimit-Bashkpuntorin e Sigurimit-Informatorin e Sigurimit & Policisë së Shtetit-Pstronazhistin,etj,Duke i futur të gjithë në një thes nga BALLISTËT-KOLABORACIONISTËT-HAJDUTËT-KRIMINELËT-PARAZITËT-SHPIFSIT..Duke ju turrur KOMUNIZMIT si e keqa më e madhe që ka ndodhur në 46 vite të sistemit Socialist(Parti Komuniste kemi patur deri 1951 dhe komunizmë nuk kemi pasur asnjë ditë as te ne dhe as në një vënd tjetër të botës),duke bër lëmsh gjith opinionin Kombëtar në 32 vite.
-Në Kongresin e 9-të(më duket) të PPSH u deklaruan 200 Komunist.Tanimë kan ngelur disa syresh me në krye S.Berishën,F.Nanon,Tritan Preshin,S.Pëllumbin,G.Ruçin,etj..!
-Athere përse bëhet kjo luftë e madhe kundër Komunizmit,Komunistëve.?
-A mos vall PD dhe Partit e tjera si motra të saj nuk kan lindur nga PK-PPSH-E njëjta bajgë e ndar në pjesë..?
-Pse nuk deklarohet se këto Parti dhe drejtuesit e tyre 32 vjet në krye të tyre janë FATKEQSI KOMNËTARE NË KËTË VËND..?
-Përsa shkrova në fillim-Bashkpuntor i operativit të sigurimit,Policisë së Shtetit,SHIK,Informator i këtyre nuk mund të ishe edhe KOMUNIST APO ANTAR I PPSH.Pasi Ata informonin Organet e Sigurimit dhe Partinë nga baza në qëndër për çka ndodhte në fushën Politike-Ekonomike-Sociale-Shoqërore..Kjo ishte një nga arsyet kryesore që Enver Hoxha e dinte mirë situatën e brëndëdhme dhe të jashtëme dhe merrte masa.
-E bëra këtë rezyme për të treguar një problem të vogël por me rëndësi të madhe për vëndin në këto 32 vite:PËR PERSONIN QË KTHEHET NË BASHKPUNTOR I DREJTËSISË.
-Krimineli Nuredin Dumani është arrestuar dhe çdo ditë.merren me të.Dhe Ai ka filluar të mos flasi më..Kjo është në dëm të drejtësisë..që mesaduket nuk don që të dalin kokat e krimit 32 vjeçar.
-Dje(20.09)në TopÇenell u filmua një djal 17 vjeçar i rekrutuar nga një keqbërës që do paguante mbi 3 mij € që 17 vjeçari të neutralizohet një 65 vjeçar dhe të shkatërronte biznesin e tij në Lushje.
-Jo vetëm TV por edhe Policia e Lushjes 17 vjeçarin e dekonspiroi keq-por e hodhi në rrugë duke i dhënë vetëm 400 lekë për të udhëtuar në shpi pa mbrojtje Lushje-Durrës.
-Në asnjë vënd të botës nuk trajtohet bashkëpunëtori Drejtësisë,Policisë,SHISH.. në këtë mënyrë.Është kjo arsyeja që kriminelët tek ne nuk zbulohen..pasi do duhej që 50 % e Popullsisë të vishej në polici ose në SHISH,Ku i dyti të ruante të parin..!
FLM nëse më kuptuat.
Hysen bej Zaloshnja,dere e pare ne Skrapar,shiste cigare ne nje kinkaleri tek rruga Elbasanit,mu aty ku ndodhej kendi i lodrave 7 xhuxhat.Ndalon nje dite Kadri Hasbiu tek kinkaleria:-Xha Hysen !Kam marre vesh qe do te shkosh andej nga Skrapari,Shiko mos me gjen ca zagare gjahu,se andej ka zagare te mire!
Xha Hyseni shkoi ne Skrapar,Beri miqesite,U kthye ne Berat dhe mblodhi qent e sallhaneve(thertore),ja nisi Kadri Hasbiut ne shtepi.Pas ca ditesh ndalon prape Kadri Hasbiu ne kinkalerine e xha Hysenit.
-Xha Hysen !Po c`ishin ata qen kazanash qe me kishe sjelle?
-Po keshtu i doni ju,mor bir!Me biografi te mire! I ke te gjithe proletare,qen rrugesh pa zot.
Besoj se ke qene i vogël gjate viteve te para post diktature kur sigurimsat dhe veglat e tyre morën arratinë per përtej oqeanit…thuhet qe te pastronin Shqipërinë nga murtaja e kuqe…”thuhet” qe ju jepej viza e azil !!. U hartua e miratua menjëherë Ligji qe ndalonte Partine Komuniste dhe Apologjinë e komunizmit e te diktatorit Enver i Hoxhatëve. Madje per këtë veprim te fundit i biri i diktatorit, Iliri u dënua me tre muaj burg. U shpërnda Sigurimi i Shtetit, filloj Lustracioni duke shmangur nga poste e vende pune te caktuara te politikëhartuesit e zbatuesit e dhunës e te Luftës se Kllasave e deri dhe bashkëpunëtoret e tyre, nga poste te caktuara pune. Nuk ju pëlqeu socialisteve protestuan ne sivëllezërit e tyre ne perëndim e tj. Me interes një fakt : asnjë nga krerët e komunizmit nuk foli e shkruajti asnjëherë ne mbrojtje te diktaturës (përjashto per nja dy tre raste Muho Asllanin).
Atyre qe ndruan veshjen dhe stemën e PPSH me PS kjo gjë nuk ju pëlqeu, u nënshtruan dhe priten rastin ne 96-97, kur marrëzia e Saliut ju mundësoj marrjen e pushtetit dhe shkalle shkalle rikthye apo siç thonë rilinden komunizmin prandaj vërejtjet per marrëzitë e dy dekadave t e fundit mund te jene te drejta, por mos ja kujtoni vetes se shqiptaret ju përmbysën juve politikisht dhe përmbysën dhe sistemin ekonomik socialist, doni as doni ju ta pranoni. Merruni me te tashmen ne se nuk dëshironi ti lini fëmijët e te afërmit ne atdhe por si te huaj pasi Ed/Edvini te ketë shitur e “falur ” deri ne te fundmen pasuri kombëtare….ortakeve dhe vetes se tij.
Dhe një kërkesë . Unë edhe pse jam kundërshtarë politik i se majtës e sidomos i komunisteve te rilindur …e lexoj Gazetën juaj per te qene i informuar per çka ndodh e çka thonë shqiptaret, kame mendimin se si gazete politike nuk duhet te lejoni komentet me fyerje…llafe te pista.. sharje e shpifje..Ka fakte deri tronditëse per tre këndezët qafërrjepur qe komandojnë ne gare me njeri tjetrin per pushtet e pasurim, pra nuk ka nevojë per shpifje. Shkodranet kane nje fjale “me kohe gjithë gurët zan vendin e tyne’’ si te tjerë para tyre dhe këta te sotshmit do ta zënë vendin e tyre e as do ju vij historia mbrapa…
Sarkazem shum therrese ! E meritojne.
Themi ndonjëhë se përse në Shqipëri, ndryshimi i sistemit nuk u bë njësoj si në Poloni, Çeki, apo Hungari, pa shkatruar ekonominë. Shkrimi i juaj z. Malaj, e spjegon fare mirë se përse. Ata nuk kishin elementë neofashistë në partinë e ashtuquajtur “demokratike”, me program që gjithçka të shkojë në zero. Një fatkeqsi kombëtare! Janë 32 vjet që punohet në këtë drejtim. Pasi shkatruan ekonominë, kulturën, historinë, etj., përsëri nuk janë të kënaqur me rezultatet. Duan çensurën, që të ndalojnë me ligj, dhe asnjëri të mos mendojë ndryshe! Demokracinë e kanë sa për fasadë, që të mbulojnë idetë nazo-fashiste të tyre, sepse në demokraci dhe pluralizëm, nënkupton shumllojshmëri mendimi dhe jo çensurë për të detyruar njerezit që të mendojnë njësoj. Populli shqiptar duhet të zgjohet dhe t’u tregojë vëndin këtyre neofashistëve të korruptuar, që e përdorin politikën për të fshehur pasurimin korruptiv të tyre. Thirje për revoltë bëjnë edhe Berisha, Meta dhe pasuesit neofashistë, por qëllimi i tyre është që ato që kanë grabitur, ti kenë të perherëshme. Duhet drejtësi, me ligje që veprojnë njësoj për të gjithë dhe jo çensura për të diskreminuar njerëzit.
Nuk eshte propozim i parealizueshem ky i nderuar…fundja, narrativa historike shterore e R.Sh. i ka fshire prej 70 vitesh plot 5 shekuj te popullit shqiptar ne Perandorine Osmane, a thua se shqiptaret thjesht kane kapercyer menjehere qe nga shek.15 e ne te 20-tin pa bere asgje hic…
Lexova rreshtin e pare dhe them qe ti nuk ke lidhje me ate familje. Je ” kopil “
Pergezoj artikullshkruesin qe s’ka frike te nxjerre injorancen e tij zhveshur.
Humor i kendshem.
Hahaha…Viktor, na kenaqe, humor e sarkazem (Po e kuptuan?)
Hahahahaha ke fillu me tall bythen ti Viktor Anonimi. Tashti kot fshihesh, ne 1990 po kishe te drejte se u bo vrima e miut 500 grosh. Qysh athere te ka ardh lezet mos e tregosh surratin dhe fshihesh prapa gishtit. Nejse kush ka mekatuar do te jape hesap se s’ben.
E vlerësoj shkrimin e z. Viktor Malaj. Por dyshoj se Hamza Alibegu është buratini i një personi superfuqi, i cili kërkon të zhdukë çdo fakt apo dëshmi që tregon zhvillimet dhe përparësitë e Sistemit të para 90- ës, të Luftës Nac-Çl , e cila përbën themelet e atij sistemi.
Pra, gjithçka që ju parashtroni, i nderuar Viktor Malaj, i adresohet indirekt Pronarit të buratinit Hamza.
Nuk ka më keq kur sheh se midis “përfaqësuesve të popullit” ka buratinë.
Çfarë i bëmë dhe vazhdojmë t’i bëjmë vehtes !
Hamza alibegu duhet te jete nipi i enkelejd alibe(hu)t, pasi i gjan shume dhe shfaqin ide te perbashketa bashkekohore, demokratike, politike, artistike, antikmuniste (sipas meje fshatarit, qe e njoh mire gjuhen e tyre). Ky Hamzai, po ta mendojme me pak kujdes, arrijme ne perfundimine se ai mban nje emer te madh qe nga lashtesia dhe per inspirim ka te madhin hamza kastrioti, bashkekohes i famshem e Skenderbeut… Sa shume jane shtuar çunat e rinj keto 30 vitet e fundit, qe mbajne kete emer! Lumë si ne shqiptaret, qe arritem ne keto dite te paharruara demokracie! Nje brez i ri premtues po rritet nen efektet e ndikimit te hamzallareve, te cilet jeten e tyre po ia kushtojne demokracise, duke punuar fort ne Shqiperi dhe akoma me fort neper bote, duke shkuar ne çdo skaj te kesaj bote te vogel me misionin: ”Ta bejme boten demokratike si Shqiperia”…
Faleminderit pa mase, i nderuari Viktor Malaj, per kontributin e palodhur ne eliten e gazetarise shqiptare!
Demo ! .. jeta e qenve pasnik është mbushur me krime të përbindëshme çifligarët e pasunarët shqiptar niseshin për luftë qoftë edhe në vise të huaja për të grabitur popujve lirinë e pasurinë .Popullit shqiptar i kan grabitur lirinë, por kryesore pasurinë e kan lënë të varfër lakuriq , në errësirë shekullore analfabet.Kurse ,”qent” endacak që ja ka quar Kadri Hyzbiut e sigurojnë kafshatën me djersë jan më të dashur e të sinqertë .Aman more DEMO ,se na mbyte me këto përralla përherë ?……! por në të vërtet komentet e tua në këto portale ,së jan përralla ,janë pallavra .
Demo ! .. jeta e qenve pasnik është mbushur me krime të përbindëshme çifligarët e pasunarët shqiptar niseshin për luftë qoftë edhe në vise të huaja për të grabitur popujve lirinë e pasurinë .Popullit shqiptar i kan grabitur lirinë, por kryesore pasurinë e kan lënë të varfër lakuriq , në errësirë shekullore analfabet.Kurse ,”qent” endacak që ja ka çuar Kadri Hazbiut e sigurojnë kafshatën me djersë jan më të dashur e të sinqertë .Aman more DEMO ,se na mbyte me këto përralla përherë ?……! por në të vërtet komentet e tua në këto portale ,së jan përralla ,janë pallavra .
Kuptoje fabulen Fteri!
Sa behet gjahu me qen sallhanesh,aq behet qeverisja me zbatharake proletare,xhagajdhure,sharlatane,maloke shpellash.
Duhet te jesh i qmendur te shkruash se ,pushtimi, italian dhe gjerman ishte qlirim i shqiptareve. Ti sherbejsh pushtusit, e te jesh atdhetar, vetem temendosh dhe te shkruesh s, ka ma qmenduri dhe ma tradhti ndaj Atdheut.
o demo borgjezi= Enver Memishaj kryetar i SHIK në Vlorë në 1997, pasardhës ballist dhe biberishist i betuar.
po mirë mor qen, a e di që proletarët janë klasa më revolucionare.
ai borgjezi është palaço, thjesht bën politik. proletarët punojnë.
Ti demo je përçarës dhe përhapës i ndasisë Veri-Jug.
pse thua malok, që ësht term racist
njerëz jan dhe ata.
pavarësisht se kapitalizmi i lë pa shkollë për ti shfrytëzuar më lehtë, nuk do të thotë që ata nuk janë të zotë e të zgjuar.
bile ata janë shumë të zgjuar sepse i ka rrahur jeta dhe kan marr eksperienc.
demo kupto realitetin.
un nuk jam kundra intelektualëve përparimtar, por jam kundra reaksionarëve të tipit Xhaferr Deva dhe Kadri Cakrani që dinë nga 7 gjuhë të huaja por për interesa material shesin atdheun.
unë e kam thënë: nuk ka hall demokrati që e ndërron lëkurën sipas stinëve se lavdëron një plak Enver Hoxhën dhe kohën e tij dhe shan politikën reaksionare shqiptare dhe botërore.
e kan haĺlin te LANÇ; duan ta mohojnë atë.
duan të risjellin në vëmendje tezën e Caldaris: shqiptarët bashkëpunuan me fashistët për të pushtuar greqin dhe ndaj greku kërkon Jugun e Shqipërisë deri në Shkumbin.
ky ësht qëllimi antishqiptar dhe reaksionar për të cilin punon antishqiptari Alibeu dhe mbështet 100% nga banda sorosiane dhe biberishiste e VOAs të Biberit e Fran shkrelit.
kjo ësht e gjitha. kapeni politikën antishqiptare dhe reaksionare
@ Kosovari
Duket se ti ” Kosovari ” nuk ke arritur te kuptosh se shkrimi z. Malaj eshte nje satire ( sarkazme ) per te gjithe ata qe perpiqen me kot te zhdukin cdo gjurme te 45 viteve ( 1945 – 1990 ) dhe vecanerisht nje tallje me projektligjin e paraqitur ne Parlament nga ” i nderuemi ” Enkelejd Alibeaj lidhur me dekomunistizimin. Kjo eshte fabula, te cilen duket qarte qe s’e kane kuptuar gati gjysma e opinionisteve te ketij shkrimi.
I lexoj arikujt, “e tija, apo, te saja” dhe me duket se jam brenda nje mjegullnaje:
1. Autori i ketij shkrimi me duket se po “tallet me te gjithe”
2. Perdor humorin per te “gjeneruar kaos”, ap, “i beson ato qe thote”?
3. Apo eshte “gjenerator zhurmash”?
4. Pse perhapet si vaji ne petlla?
5. Pse nuk kap nje problem fundamental, apo, “një ide” dhe ta analizoje më thellë.
Zoti Adrijan:
1. Si shperblehen autoret e shkrimeve?
2. Ne baze te numrit te faqeve apo te vleres se ideve qe rezatojne?
Alibeaj, mendon se do shtoje votat, po qe se partia do ti njihet ne Gjykate e Apelit.
Ndeshkohen vetem ata qe kane kryer krime.
Arti ne socializem, pavaresisht ndikimit ideologjik, prodhonte moral, dhe niveli artistic shume i larte.
Arti i sotem, nuk krahasohet fare me artin para 90 as.
PPSH, instaloi pushtetin.
Ne rast se intelektualet nuk antaresoheshin ne parti, do te drejtonin analfabetet, te arsimuarit ne nivele te ulta, sic edhe ka ndodhur.
Ja, si sot.
Partie Socialiste, ka instaluar pushtetin; do te fitoje edhe mandatin e 4, dhe aty do te mblidhen te gjithe, komunista, ballista, monarkista, fashista, hajdute, ndoshta, socialistet mund te je ne pakice.
Enver Hoxha tungjatjeta
lavdi marksizëm-leninizmit
filmat shqiptar i kam regjistruar në usb dhe cd
këngët në telefon dhe usb
po e votuat kët antiligj atëher do ju buçasë koka nga kënga Enver Hoxha tungjatjeta
Po te kishim denuar Komunizmin qe ne fillim (sic thua sot ti Viktor Malaj), do ta nisnim me kryesoren ; Do nxirrej jashte ligjit ajo PPSH ish Partia Komuniste pra e themeluar nga Dushan Mugosha e Miladin Popovici. Por kjo gje do te linte pa pune ty Viktor tere keto vite qe je paguar per ti thurur hosana PPSH emernderruar ne Partia Socialiste. Dhe ky Edi Rama nuk do kishte mundesine sot te kthehej ne opigjine, te strukej tek pasuesi i Mugosheve e Popoviceve ne Beograd, pra Aleksander Vucic, si per te vertetuar se i perket asaj partie qe nderroi emer ne 1991 nga Punisto-Komuniste ne Socialiste.
Vetem Edi Ramen mos e ngaterro me komuniste e socialiste , eshte shume larg tyre .
fiks o patriot, edvin rama është neofashist.
po ky komentuesi: punë komunistësh, gjellë qensh ça nxjerr nga goja. apo mos është nicku i ri i demos ose intelektualit.
kjo fjala punisto-komuniste është fjalë e re në politikë made in gazeta dita. pra më duket si çorbë e njohur, po a demo a intelektuali e ka thën se mbaj mend
meqë ra fjala te dita, te shkrimi i pseudodiplomatit shaban murati, pse ske lën hapsir komentimi. ptu legena, servila të ramutit.
Nuk mund të vihet më në dyshim aftêsia letrare dhe llogjika e Viktor Malajt. Tê cilat i dëshmon në çdo shkrim të tij që të japin kënaqësi kur i lexon. Siç e dëshmon edhe shkrimi i mësipërm. Një ironi dhe sarkazëm therrëse. Diçka del e qartë në këtê satirë: ata qê kanë pasë bashkëpunuar me fashizmin dhe nazizmin nuk kanë tê drejtê të anatemojnë apo mallkojnë periudhën 45 vjeçare të sundimit të Hoxhës. Mirëpo lind pyetja: po ata që janê pasardhës të familjeve partizane, a kanë të drejtê të kritikojnë dhe demaskojnë diktaturën njëpartiake qê sundoi në Shqipëri gjatë asaj kohe?! Sepse ajo epokë ka qênê bardhê e zi. Nga njëra anë kemi arritje të papërsëritshme që ia ndryshuan faqen Shqipërisê, por nga ana tjetër kemi po ashtu edhe njê shtypje dhe tirani të paparë. Aq sa njerëzit dënoheshin deri në 10 vjet burg edhe për një fjalë goje në bazë të ligjit të agjitacionit dhe propagandës! A mundet ai regjim qê hêngri edhe kokat e atyre qê luftuan për tê, të mos u kritikoka?! Sa komunistë tê luftës ngelën gjallë në Byronë Politike deri në vitin 1945?! Sa kryeministrave dhe ministrave, anëtarêve të Byrosë Politike, apo edhe komunistëve të thjeshtë iu pre koka?! Etj etj. Unë pyes veten: a duhet lejuar të shfaqet një film ku nxitet spiunimi ndaj shokut apo lartësohet figura e diktatorit dhe terrori i ushtruar prej tij?! Sepse siç thashë ajo epokë kishte anë të mira dhe të këqija, pozitive dhe negative. Pak a shumë si kjo periudha e sotme. Me një fjalë ka nevojê të ndahet gruri nga egjra. Nuk mund ta lartësosh atë epokë, pa vënë nê dukje edhe të këqijat e saj. Gjë që Viktor Malaj nuk e bën. Tê paktën në këtê shkrim. Sot ti mund të shkosh tê vêsh lule në varrin e Hoxhës dhe asnjeri nuk të ndalon. Dhe nuk ke asnjë pasojë. Po të mendonje njê herê të flisnje njê fjalë të mirê për Zogun në kohên e Hoxhës ku përfundonje?! Me një fjalë duhet t’i japim Çezarit atë që i takon. Ai regjim duhet përgëzuar për punët e mira qê bëri, por duhet po ashtu të demaskohet për dhunën dhe shtypjen, për shkeljen me të dyja këmbêt të të drejtave më elementare të Njeriut etj etj. Ështê kollaj të marrësh si shembull një bir apo nip ballisti, apo kolaboracionisti dhe ta telendisësh dhe t’ia nxjerrish bojën, por kundêr regjimit të Hoxhës, u ngritën të parët bijtë e komunistave, qê edhe atyre u kishte ardhur në majë të hundës ai sistem. Nga ana tjetër ështê çmenduri të ndalosh Vaçe Zelën dhe të lejosh Stresin! Të heqësh këngët që i këndonin dashurisë sê pastër, punës, përkushtimit për Atdheun dhe tê transmetosh këngê tê tipit: “Sa tê mirë ma ke bythën”! Thënë kjo ështê po aq e pamoralshme tê lejosh tê transmetohen këngë kushtuar diktatorit si “Enver Hoxha tungjatjeta”. Me një fjalë duhet ndarê shapi nga sheqeri. Ajo periudhë 45 vjeçare kishte sa tê mira, aq edhe të këqija. Të mirat t’i ruajmë, t’i përvetësojmë dhe të këqijat e asaj epoke t’i mbajmë larg. Nuk mund të dënosh me asnjë lloj ligji një epokê tê têrê 45 vjeçare, siç nuk mund ta lartësosh atë pa një kritikë të thellê.
po o katarakt, po më mir shoh film me pripagand komuniste apo filma pornk.
çdo i ri sot sheh filma porno.
sduhen ndaluar ata.
ata skanë të krahasuar me propagandën e kuqe, sepse propaganda e filmave porno, disa porno janë të mbrojtur nga FBI
Të gjithë shqiptarët kanë qenë isha të dikujt… të një balte që nuk kishte fund…. Dhe po sot jetojmë në të njëjtën baltë. Dhe votojmë e I lëpijnë bythën non gratave dhe hajdutëve. Sa turp!
O xy ,ne cdo koment perserit qe une qenkam Enver Memishaj,,i cili per mua eshte nje studiues i nderuar,e nderojne veprat e tij.Por une nuk jam Enver Memishaj.
Ne cdo koment perserit qe Xhaferr Deva dhe Kadri Cakrani qenkan tradhetare te Atdheut,bashkepunetor me pushtuesin etj.Pse ishin tradhetar te Atdheut,,?Pse e donin Shqiperine me Kosove dhe Cameri?
Me cilin pushtues bashkepunuan?Me ushtrine gjermane qe po terhiqej nga viset e Ballkanit dhe vendosi disa garnizone ne Shqiperi qe te mos zbarkonin Anglezet si ne Itali?Kjo ushtri bashkoi trungun e ndare te Atdheut me bijte e roberuar nga shovinistet gjakatare greke,serbe,malazes.
Ne Kosove dhe Cameri
Do valoje perseri
Flamuri kuq e Zi.
E paska dashur me shume Shqiperine zhagajdhuri i degjeneruar enver hoxha*(si e pershkruan kunati tij),se i biri Hajredin Cakranit dhe nipi Bektash Cakranit qe ngriten Flamurin ne Vlore me Ismail Qemalin?
o mirela – pidhimela ti vuan nga sindroma e Stokholmit, ke marre identitetin tim dhe perdor per nick “?”, mbasi une te persekutova dhe te perdora si kavie ne eksperimentin tone ne Institutin Psikoanalitik. Na interesuan vecanerisht enveristat dhe kripto-enverista si puna jote. Nuk prish pune perdore “?”, e kishim parashikuar ne studim qe disa prej pjesemarresve, sidomos enveristat, do te nderronin nick sepse e ndjenin veten te dhjere. Ramutin mund ta shash sa te duash, perseri enverist mbetesh dhe me stabilitet te ulet mendor.
Nese artistikisht ky artikull “ me te ngulme” meriton vlersim maksimal ne aspektin realist te periudhes Demon-kracise 1991-2022 le shume per te deshiruar.
.
Mendoj se ndalimi me ligj I filmave-kengeve dhe teatrit.”kamunist” .ect ect gjate viteve te socializmit ( qe gabimisht quhet komunizem) eshte me shume autogol I armiqve dhe kundershtareve te Enverit qofte ballisto-nazisto-zogistet por dhe “te ish kuqte perverse” si Rametaj me Krimberishen perfshire dhe Yuri Kimen rrenjet e te ciles jane nga Koreja Jugut qe eshte dhe ndoshta dhe vendi me antikomunist ne bote.
.
Le te rendisim ca fakte qe realisht Enverin dhe Kohen e tij e ri-ngriten ne piedestal subjektet dhe objektet qe kane drejtuar ate vend si republike te shpifur ambasadoriale me kuislinget e tyre RamaSalaLiliLuli..
>
Logjikisht Enveri dhe koha e tij duhej anatemuar me themel deri ne mars 1997 kur ne Vlore makineria NAZISKINE E SALI SATANAIT vrau demonstrues dhe arriti deri ne planifikim te hedhjes se lendeve kimike mbi popullsine e zones Vlore-Tepelene…dhe ketu nuk fajsoj fare Perbindeshin e Viqidolit por dyshen USA-BE…qe me veprimet dhe mos veprimet e tyre jane bashkfajtore ne gremisjen e llahtareshme te shtetit shqiptareve..
.
Jo vetem kaq por mbas pucit e shtetit te 14 shtatorit 1998 ka dokumente qe tregojne se dyshja USA-BE E KANE MBROJTUR TERRRORISTIN SALEZ BIBERISHAJ per kete super krim biles duke shantazhuar qeverine e kohes te mos arrestohej…biles gafa BIZARRE e dipllomacise amerikane ishte se Usaliun e tyre e moren ne “interviste” Brenda mureve te ambasades nga nje prokuror amerikan qe nuk ndodh as ne kolonite me te pjerdhura te planetit..
.
Ajo qe vulos shenjterimin e Enverit (PA DESHIREN TIME) nga dyshja USA-BE eshte masakra e 21 janarit 2011 me fajtore jo vetem treshen kriminale BMB ( berish-meta basha) por dhe dyshen pergjegjese kryesore ARVIZU-RAMA me kimezerirat e tyre…Nese Amerika bie ekspertizat e FBI per te gjetur fajtorin e vrasjeve ne boulevard dhe SALI SATANAI thote PO UNE JAM FAJTORI dhe ju me rruani lesht…atehere kam drejte tju pyes…A Nuk eshte ky fakt lapidar diamanti qe Kimja-Spaku dhe Ramortja po I ngrene “diktatorit te dashur dhe te paharruar” ??
.
Thame per 30 vjet qe Enveri na la jashte Europe dhe sot eshte kjo e fundit qe po tall Trapin me ne…me nje racizem te pabesueshem hapur fare
.
Thame per 30 vjet qe Enveri e shiti Kosoven ( qe nuk e kishte) dhe sot me Amerike dhe Europe mbas..B/ythe ai vend eshte kthyer GETTO shume me keq se ne Kohen e Titos ..eshte kthyer ne Haiti Europes..biles me clirimtaret e Kosoves ne burg sit e ishin kushurinj me Bin Ladenin..dhe cudia Prokuror eshte amerikani Smith…
.
.
Thame per 30 vjet qe Enveri forcoi ushtrine dhe shpenzoi per mbrojtjen se kishim KARten e HALEsinkit dhe ne muajt e fundit me kataklizmone e Ukraines kane filluar Rama me Kimezerira te pastroje
“mceftas” bunKARET e xhaxhit nga Ura Vajgurore deri ne Gjader ect ect.
.
Ne vend e mbylljes:
.
Miratimi I INKUIZICIONIT(inquisition) mbi literature 1946-1990 nga Parlamenti me 90% rrenje “kamuniste” na con ne Kohen e Xhordano Brunos apo Adolfit…se fundja Enveri nuk beri me shume se Amerikanet me karrike elektrike ndaj Rosenbergeve..luftes klasave me Black List ne Kohen e Makartizmit ne vrasjen e apo gjymtimit te gjysem milioni amerikane ne Vietnam duke mos permendur me te renden sic eshte perdoria si KAVIE EKSPERIMENTALE e kryenazistit Xhaferr Deva dhe hordhise tij ne veprime terriste kunder shtetit shqiptar..
.
Bej pjese te ata shqiptare qe mendoj se miratimi I INKUIZICIONIT mbi literaturen dhe filmat 1946-1990 nga Parlamenti do jete nja lapidar gjigand qe jo vetem kjo ASAMBLE KUSHTETUESE E TIPIT TE 12 PRILIIT 1939 po I ngre Enverit por do jete turp edhe per KIMezerirat e Yurit dhe racistat e Brekesellit ..
demo = enver memishaj këtë se mohon dot se të kam par me sut e mi që ke komentuar te dita dhe e si shum mir cili je
ndërsa ti ? po të them diçka, un as që e di cili je ti por në qoftë se mendon se po të vjedh identitetin po e ndryshoj nickun.
që të mos cënojmë lirin e fjalës që ju borgjezët na e bëni të shenjtë por kur ju cënohet interesi vajtoni si korbat si Alibeu. Mos të lejojm asnjë film të kohës së socializmit, asnjë libër, asnjë muzik.
ja demopordhakratët e Shqipëris
Nuk e dije mire, ndofta Gabohem pore Viktor Malaj ka ber Gabim qe ne kryeattikullin qe e ke shkruar “Demokrat 24 Karatesh”
Ky eshte Kriminel 24 karatesh. Perse e ngatrron fjeln demokta me veprimin kriminel. Demokraci ka kudo ashtu sice edhe ka antidemokraci e antidemokraci kan vetem kriminelet.
I Pari Kriminel eshte Sali Ram Berisha , pastaj vijn te tjeret me radh qe lista vazhdon. Ndersa demokrat keta nuk jan ase nuk behen kurr !
E mjerueshne se si një njeri i kenduar i thurr hymne atij sistemi mizor qe u vendos me bajonetat LANC-it, mes të cileve pati dhe idealiste dhe te ndershem, por që të gjithë vdiqen para skuadres se pushkatimit
Me c’te drejtë zotëri, iu grabit me kerbac floriri bizneseve te vogla qe s’kishin bashkepunuar me pushtuesin dhe PD-ja nuk organizoi rihapje procesi
Pse zoteri, u flaken jashtë nga shtepite njerez te ndershem jo bashkepuntore te armikut per te strehuar ata Clirimtares
Perse zoteri, qe me 1946 duhet të kishte vetem nje parti kur jo të gjithë ishin dakort me programin e saj, ku si rrjedhoje ekzekutimet dhe burgosjet masive
…. … …
Pse zoteri, rast i vetem ne historine e njerezomit, fsjatarit i hoq cdo gjë e gjallë dhe kopshti personal i shkoi tek dera e shtëpisë, cfare perben genocid shtereror
Pse zoteri, shqiptaret moren arratine si ne kohet biblike pas 90-es
“I pafajshmi s’eshte 100% i pafajshem dhe krimineli s’është 100% kriminel” Budha
Dy arritje të atij regjimmi mizor : zhvillimi industrial
Dhe njerëzia e disiplinuar qe nga e hena ne te shtune nisej per pune pas ores gjashtë dhe kthehej rreth orës katër te pasdites
A ia vlente cmimi? Shih e shkruaj rrumpallen 32 vjecare per te gjykuar
Me thuaj një pinjoll nga dyert e medha shqiptare qe te kete lyer duart me korrupsion
apo me gjak keto 32 vite
Kush rrafshoi ekonomine? Vetë Nana Parti, që deshmon qe pushtetin e mori per t’i hipur ne zverk popullit qe vazhdon dhe sot
Nejse, kjo kerkon volume për t’u shprehur
Zoteri, ke punuar ndonjehere me bel 10 ore në arë dhe të merrje 40 lek sa per një bukë
Ata të djeshmit janë keta te sotmit qe ju lejojne juve te fshehni realitetin e skllaverise hoxhiste
Te pershendes qe nuk leviz nga istikami ku te ka thene partia .
Ketij shkrimi I thone humor me litar ne fyt.
Suksese ne jete.
Problemi yt eshte se ti je thjeshte kolaborator ne mendime . Mundesh edhe serbet ti shohesh si shpetimtare po te na vijne per visit me tanke.
Nuk shoh ndonje “kataklizmo” edhe nese miratohet ligji I ndalimit te veprave artistike 1945-1990 sepse me shume do sherbeje si ‘boomerang” qe do I jape me shume vlersim…asaj kohe
.
Do ju bej dy paranteza qe shprehin ‘’ UBUBUSHMERINE” e viteve te zeza qe po kalon ai vend
.E para…Qeveria britanike po ben marreshje me qeverine e Ruandes qe te pranoje azilkerkuesit shqipfoles sepse numri I tyre eshte rritur ne progersion gjeometrik vitet e fundit…Komentin ta vazhdoje lexuesi pse shqiptaret po ikin truma-truma nga Shqiperia Demon kratike e governores Kim dhe kuislingeve te saj ER,SB,IM,LB..
.
E dyta paturperisht YKKJ=Yuri Kimja Korese Jugut jepet sot ne lajme tre here ne cdo stacjon se e takoi Ilir Monstren dhe kam te drejte te them se Enveri dilte tre kater here ne vit dhe thoshte “Bar do te hame” kurse Sekretarja e Pare rruges Elbasonit del nga tre kater here ne dite dhe ta meritojne shqiptaret eren e menstruacjoneve te saj..sepse ne kete menye jo vetem po poshtron dinjitetin e shqiptaret por po behet vrasese e besimit qe kane shqiptaret te Amerika..
.
Duke shtuar dhe tolerimin ( lexo mbrojtjen inteligjente) qe po I ben USA-BE treshes super kriminale BMB =berishmetabasha pa harruar Rame Perversin Kryenverofag..del konkluzioni pse Qimja e Marikes Yur sulmoi dje kufomen e Enverit me nekrofagizem dhe po ben gjemen me Ilirin e Almir Rrapajt qe ta heqin si spiun kur ai gjemen e ka bere me Usali Biberishen si K/minister.President..Kryetar Partied he si kryeparlamentar poste qe nuk I ka pasur kush ne Shqiperi per te gjitha kohrat..
.
Prandaj me vjen te uluras se Hipokrizia e miqve qenka me rende se Pushtimi I armiqve… se nuk po e marrim vesh akoma….po fshin menderen Saliu me Ameriken e Halez Biberit apo eshte kjo fundit qe po perdorin si Dildo Sali Meten me Edi Bashen,,,,dhe per te eklipsuar kete menxyre kombetare vazhdojne kanibalizmin me sistemin e Enverit….qe kishte nje fare lezeti ta denigroje deri ne 1997..kurse sot keto Rama Kimet Sala Metat dhe Hamza Kastriotet e kane ktheyr ne profet..
.
Demo ti je Enver Memishaj. Me pare, kur u linde te quanin Enver Hoxha, por ta hoqen ate mbiemer se ishe me origjine ballisti, ishe si ata qente qe shkruan ne koment. Te njohin vlonjatet mire. Te njohen ne 97en kur dhjeve breket si kryetar i shikut e u fshehe ne fshat.
Tani je bere komentaxhi. Mire e ke, por mos u kruaj me Kadri Hazbiun se do te hapen telashe, do hapen dokumentet e sigurimit dhe…
Ti je studiues, por studiues ballist. Pse nuk i merr sot ti, e te tjeret si ti, Kosoven dhe Camerine?
Zoti Daut e ke 50% te vertete ate qe thua per Demo mavrine.Emri qe ka vene gjithmone ne libra eshte Enver Memishaj Lepenica..
.
Ja nje nga librat e kanibalit antikomunist psiqikisht I semure;
“””Komunistët vrasës. Pushkatimet para popullit
Author: Memishaj – Lepenica, Enver
ISBN: 9789928328502 ect ect..””
.
Pse ky ky skuth shkruan miljarda komente me pseudonim ?
.
Sepse librat qe ka nxjerre ne treg kane nje shitje nen 1 % pra komplet I deshtuar dhe eshte xhindosur aq shume sa po thyen record GUINNESS..
Me thene te drejten eshte njeri I lexuar dhe I kulturuar dhe kur ky arrin ne kete faze psiqike duke u kthyer ne kanibal agersiv ndaj periudhes 1944 -1990 cfare do presim nga malokaret e Trampojes apo kartunaret e Cepanit..
.
Jo vetem kaq por djalin qe kishte ne Shik qe ne kohen kur vete iku nga Shiku I Vlores qe ishte kryebossi e kapen duke vjedhur ne flagarance si ordiner.. Policia ka futur në pranga Orges Enver Memishajn, punonjës i SHISH dhe djalë i ish- këshilltarit Enver Lepenica ( Memishaj)të Bujar Nishanit kur ka qenë Ministër i Brendëshëm.
Skuadra “Shqiponja”, në bashkëpunim me Komisariatin e Policisë Nr.1 ndaloi më datë 11 maj 2014 ora 08.00, shtetasin Orges Enver Memishaj,Lepenica 22 vjeç, lindur në Vlorë dhe banues në Tiranë, me kombësi e shtetësi shqiptare, me arsim të lartë, me gjendje gjyqësore i dënuar për veprën penale vjedhje me vendimin penal nr.1213 të vitit 2010, me detyrë punonjës i Shërbimit Informativ Shtetëror…
Sidoqofte e keqja e atij vendi nuk vjen nga bastarde me kollare si Zavalli Demo por nga figura madhore si zonja Kim apo zoti Rama qe ne vend te kishin bere te mundur prangat per SUPERKRIMBerishen merren me Enverin e Gjylos si kockangrenes te te vdekurve shekullin e kaluar
Faleminderit.
ARTIKULL THELLESISHT DASHAKEQAS. NUK E PRIISJA PREJ AUTORIT, POR ME MIRE VONE SE KURRE TE MARRESH VESH SE KUSH ESHTE DIKUSH.
V.O PREJ NIPIT TE NJE TE NJERIT PREJ TE INTERNUARVE NE PRISHTINE NE ’44-EN.
Shume ja ke rritur pordhen Alibegut duke e permendur me emer ate qurrac
@NAIM
I nderuar Naim. Lexojeni edhe nje here me vemendje shkrimin qe keni komentuar pasi nuk e keni kuptuar fare se autori i shkrimit thjesht ka satirizuar Alibejte qe kane mentalitetin e Hamza Alibegut ( personazh i sajuar ) qe simbolizon mentalitetin nihilist dhe shkaterrues te nje pjese te vogel shqiptaresh.