Një 23-vjeçar në Vlorë është vënë në pranga pas një operacioni të organizuar nga Forca e Posaçme “Shqiponja”, në bashkëpunim me Komisariatin e Policisë Vlorë, pasi lëvizte me armë zjarri me vete.
Njoftohet se në flagrancë janë arrestuar J. S., 23 vjeç, banues në Tepelenë, për veprën penale “Mbajtja pa leje e armëve, armëve shpërthyese dhe i municionit”; E. S., 31 vjeç dhe I. S., 30 vjeç, të dy banues në Tiranë, për veprën penale “Moskallëzimi i krimit”.
Policia ndaloi mbrëmjen e djeshme, në lagjen “Pavarësia 3”, automjetin me drejtues shtetasin 31-vjeçarin E.S. dhe pasagjerë dy të rinjtë e tjerë.
Gjatë kontrollit fizik ndaj 23-vjeçarit që ishte pasagjer, policia gjeti dhe sekuestroi një armë zjarri pistoletë me krehër dhe municion luftarak. Drejtuesi i mjetit, shtetasi E. S. dhe pasagjeri tjetër, vëllai i tij, I.S. kanë pasur dijeni për armën, por nuk kallëzuar në Polici.
o.j/dita
