Brenda një minute, mallra me vlerë prej qindra milionë dollarësh amerikanë qarkullojnë në vende të ndryshme, duke formuar një rrjet kolosal tregtar. Por qarkullimi nuk është gjithmonë i papenguar. Ndryshimet midis standardeve të vendeve të ndryshme dhe pengesat e vendosura me qëllim nuk lejojnë qarkullimin e lirë. Për ndërtimin e “Një brez, një rrugë”, si të rregullohen arteriet ekonomiko-tregtare dhe oqeani i globalizimit të vijojë të rrjedhë?
Gjatë 10 vjetëve të kaluar, Kina dhe vendet pjesëmarrëse në ndërtimin e përbashkët të “Një brez, një rrugë” kanë forcuar “ndërlidhshmërinë e butë” në politika dhe planifikim, duke nxitur liberalizimin dhe lehtësimin e tregtisë e të investimeve.
Ndërlidhshmëria e rregulloreve “ka zgjuar hekurudhat e fjetura”, duke gjallëruar trenat e mallrave Kinë-Evropë. Udhëtimi hekurudhor prej dhjetëra mijë kilometrash ndërmjet Kinës dhe Evropës, me vende të ndryshme dhe organizata të ndryshme hekurudhore me rregullore të ndryshme, dikur dukej një “mision i pamundur”. Markus Bangen, kryeekzekutivi i Grupit të Portit të Duisburgut të Gjermanisë, thotë: “Kur dëgjova për herë të parë që dikush do të vinte këtu nga Kina me tren, mendova se ishte çmenduri.”
Pajtimi i standardeve nuk është më i lehtë se ndërtimi i një hekurudhe të re. Por mekanizmi i ri i bashkëpunimit ndërmjet Kinës dhe vendeve përkatëse ka shpejtuar zhvillimin e trenave të mallrave Kinë-Evropë. Në Perëndim u shtuan linjat e reja. Sot trenat e mallrave Kinë-Evropë arrijnë në 210 qytete të 25 vendeve evropiane. Ndërsa në Lindje, linjat e trenave lidhin mbi 110 qytete kineze. Në kontinentin e lashtë euroaziatik është formuar një rrjet krejt i ri tregtar. Arritja më e madhe në historinë e tregtisë gjatë 10 vjetëve të fundit është Ekspozita Ndërkombëtare e Importit, që është e para ekspozitë kombëtare me temën e importit në botë, shkruan CMG
Në përputhje me kërkesat e mijëra ndërmarrjeve dhe të dhjetëra mijë mallrave për të hyrë në Kinë, qeveria kineze publikoi mbi dhjetë politika për hapjen aktive të tregut, për të ndarë përfitimet e zhvillimit. Kina ka nxitur konkretizimin e Marrëveshjes së Partneritetit të Gjithanshëm Ekonomik Rajonal (RCEP), që përbën zonën më të madhe të tregtisë së lirë në botë. Në kornizën e nismës “Një brez, një rrugë”, Kina dhe 15 vendet e RCEP-it kanë integruar rregullat tregtare, kanë hapur tregjet e tyre, kanë hequr pengesat tregtare dhe i kanë sjellë rajonit lulëzim të ri. Falë ndërtimit të përbashkët të “Një brez, një rrugë”, tregtia është bërë më e lehtë. Gjatë 10 vjetëve të fundit, vëllimi i përgjithshëm i tregtisë ndërmjet Kinës dhe vendeve pjesëmarrëse në këtë nismë arriti në 19.1 trilionë dollarë amerikanë, me një rritje vjetore prej 6.4 për qind. Hapësira e re e bashkëpunimit ekonomiko-tregtar u ka sjellë më shumë njerëzve jetë të mirë.
p.c. / dita
