Të gjithë personat që janë të punësuar më një pagë prej 100 mijë lekësh të reja ose më shumë duhet të plotësojnë deklaratën e të ardhurave individuale. Kjo është propozuar në draftin e ri të tatimit mbi të ardhurat, i cili është hedhur për konsultim publik nga Ministria e Financave.
Po ashtu të gjithë personat që më parë siguronin mbi 2 milionë lekë të ardhura vjetore nga punësimi kanë qenë të detyruar të dorëzonin pranë organeve tatimore deklaratën e të ardhurave, tani kjo e ardhur është ulur. Sipas draftit Ministria e Financave pritet ta ulë këtë prag dhe ta vendos për qytetarët që sigurojnë mbi 1.2 milionë lekë.
“Një person është i detyruar të dorëzojë një deklaratë vjetore tatimore personale kur të ardhurat tatimore vjetore të tij/saj janë: a. Më shumë se 1,200,000 lekë e të ardhurave bruto nga punësimi, ose b. Më shumë se 50,000 lekë e çdo të ardhure tjetër që nuk i nënshtrohen tatimit përfundimtar në burim”, shkruhet në projektligjin.
a.m/dita
Duhet t’a bëjë çdo individ, ose çdo çift të martuarish, një herë në vit, për vitin që kaloi. Kështu është në amerikë. Nuk është vetëm çështja e taksave, por edhe asistenca shtetërore për të varfërit. Çdo vit caktohet kufiri i varférisë dhe kush është nën atë nivel, i kthehen të gjitha taksat që janë mbajtur gjatë punësimit. Po kështu, shteti është në gjëndje si t’i shpërndajë ndihmat, pa shkaktuar korrupsion. Eliminohet pastrimi i parave dhe ulet korrupsioni në nivele të ulëta. Pra shkurt, shteti ka në kontroll situatën, përndryshe do të ketë vetëm fjalë.