Gjykata e Gjirokastrës ka dhënë masën e arrestit me burg për Florian Taçin, ish drejtuesin e Kasastrës së Gjirokastrës dhe Alban Memishaj ish-specialist i kësaj drejtorie.
Ata u ndaluan më 28 shkurt nën akuzat e fallsifikimit të dokumentacionit, aksesin e paligjshëm në sistem edhe pas lënies së detyrës dhe disponimin e paligjshëm të një arkive dokumentash zyrtare.
Policia ushtroi kontroll në zyrën e avokatore të Taçit në Gjirokastër ku sekuestroi dokumente të shumta që i shfrytëzonte Taçi që kishin të bënin me të gjithë databazën e Kadastrës së Gjirokastrës.
Njëkohësisht raportohet se ai kishte akses në databazën online të institucionit që drejtonte.
Për rreth 1 vit e gjysëm Florian Taçi ka drejtuar hipotekën dhe më pas Drejtorinë e Kadastrës në Gjirokastër.
“Specialistët për Hetimin e Krimeve Ekonomiko-Financiare arrestuan në flagrancë shtetasit 45 vjeç dhe 37 vjeç, të dy banues në Gjirokastër, pasi dyshohet se në bashkëpunim me njëri-tjetrin, kanë falsifikuar dokumentet e disa pronave, duke përdorur vulën e një subjekti të palicencuar nga organet kompetente. “, njofton policia në momentin e arrestimit.
n.s. / dita