Lirohet pak orë pas ndalimit nga Policia Rrugore për aksidentin dhe konstatimin e konsumit të alkoolit, kandidati për deputet i PD-së Elbasan, Qani Xhafa. Në pritje të zëvendësimit të Luçiano Boçit në Parlament, vetë Xhafa e konfirmoi lirimin në mbrëmje. Në një postim në Facebook, Xhafa thotë se është në gjendje të mirë shëndetësore.
“Mirëmbrëma të gjithëve! Duke marrë shkas nga lajmet që qarkullojnë në portale dhe nga mesazhet që më keni dërguar, Ju informoj se ndodhem në shtëpi dhe në gjendje të mirë shëndetësore! Ju falenderoj për interesimin dhe Ju uroj gjithashtu Gëzuar Ditën e Verës!”, shkroi Xhafa.
