Këngëtarja e njohur shqiptare Elsa Lila do të rikthehet në Festivalin e 61-të të Këngës në Radio Televizionin Publik Shqiptar, duke qenë pjesë e listës së 26 pretendentëve të përzgjedhur nga juria për çmimin e madh.
Artistja ka qenë muajt e fundit në vëmendje mediatike, duke qenë se është përfolur mbi përfshirjen e saj në botën e krimit të organizuar në Itali.
Ajo u lirua nga burgu vetëm së fundmi, pas akuzave në pjesëmarrjen e një bande italo-shqiptare të trafikimit të lëndëve narkotike, ku pretendohej se detyra e saj ishte ajo e mbajtjes së llogarive.
Pjesëmarrja e saj në këtë festival vjen pas 26-vitesh mungesë, kur në daljen e saj të fundit në skenën e këtij festivali, në vitin 1996, ajo u shpall fituese me këngën “Pyes Lotin”.
Këtë vit ajo do të rikthehet, me këngën e titulluar “Evita”.
Komisioni përzgjedhës i Festivalit të 61-të të këngës në RTSH, pasi dëgjoi dhe vlerësoi të gjitha këngët konkurruese për pjesëmarrëse, vendosi të përzgjedhë dhe kualifikojë 26 prej tyte.
Përmes një liste të bërë publike nga vetë komisioni, shfaqeshin këngët me titullin përkatës, autorët e kompozimit muzikor dhe të tekstit si dhe artistët interpretues nën cilësinë e këngëtarit.
Ndër to, për konkurrimin vihen re emra artistësh të rinj si Arsi Bako me këngën “Sonte dua të jem më ty” dhe Vanesa Sono me “Aroma jonë”.
Po ashtu, edhe emra të njohur për skenën shqiptare, si Enxhi Nasufin me këngën “Burrë”, Evi Reçi me këngën “Ma kthe”, Manjola Nallbani me këngën “Dua” e mjaft emra të tjerë të njohur.
Krahas rikthimit të artistes së njohur Elsa Lila, në sy bie edhe rikthimi i grupit muzikor “2Farm”.
Kënga, e cila do të shpallet fituese, do të përfaqësojë Shqipërinë në festivalin evropian të këngës, i njohur ndryshe si “Eurovision”.
Lista e plotë:
Artisti Kënga
- 2 Farm – Atomike
- Alban Kondi & Lorela Karoshi – Melodi
- Albina Kelmendi – Duje
- Anduel Kovaçi – Malli
- Arsi Bako – Sonte dua të jem me ty
- Melodajna Mancaku – Gjysma e zemrës sime
- Elsa Lila – Evita
- Enxhi Nasufi – Burrë
- Erma Mici – Kozmosi i dashurisë
- Evi Reçi – Ma kthe
- Fabian Basha – Një gotë
- Fifi – Stop
- Franc Koruni – Në pritje
- Genti Hoxha – Ajër
- Gjergj Kaçinari – Dje
- Luna Causholli – Jetën ta fal
- LYNX – Nëse ke besim
- Manjola Nallbani – Dua
- Permit of Stay – Fobia
- Petrit Çarkaxhiu – Emri yt mirësi
- Rezearta Smaja – N’Eden
- Rovena Dilo – Motit
- Sara Kapo – Para teje
- Serxhio Hajdini – Vështirë
- Urban Band – Në çdo hap
- Vanesa Sono – Aroma jonë
a.m/dita
