Krahu i djathtë i Vladimir Putin, ish-kryeministri Dmitri Medvedev ka kërcënuar Lituaninë edhe me ndalim oksigjeni.
Duke folur për mediet në Moskë, Medvedev u shpreh se Litania luajti një rol të ndyrë rusofobik lidhur me ndalimin e mallrave për Kaliningradin për të cilin duhet të përgjigjet.
“Ndalimi i mallrave ishte pjesë e një lufte të perëndimit kundër Rusisë, por kundërmasat tona ekonomike ndaj vendeve baltike do të jenë më të ashpra, aq sa do të jenë të afta për t’iu ndërprerë atyre oksigjenin,” deklaroi Medvedev.
Medvedev, i cili shërben edhe si nënkryetar i Këshillit të Sigurisë Kombëtare ruse, theksoi se Moska mund të zbatojë gjithashtu edhe masa shproporcionale.
“Një përshkallëzim i tillë është një zgjedhje e keqe. Dhe ata që vuajnë prej saj janë qytetarët e Lituanisë, standardi i jetesës së të cilëve, krahasuar me ato evropiane është thjesht në rolin e lypësit,” tha ai.
Dy ditë më parë, presidenti lituanez Gitanas Nauseda tha se vendi i tij do të ruajë ndalimin e furnizimit me mallra të Kaliningradit.
Kryediplomati i BE-së, Josep Borrell, më herët shpjegoi se blloku evropian nuk po kërkonte vendosjen e një bllokade në enklavën e Kaliningradit.
a.m/dita
