Luis Enrique, pas daljes së Spanjës në fazën e e 1/8-ve në botërorin e Katarit, nuk do të jetë më trajner i ekipit.
Njoftimi zyrtar është bërë nga RFEF, Federata Spanjolle e Futbollit. Përmes një postimi në Twitter falënderojnë trajnerin spanjoll dhe bashkëpunëtorët e tij.
Enrique prej nëntorit të 2018 ka qenë në krye të ekipit spanjoll, teksa më herët ka qenë trajner te Roma, Celta Vigo dhe Barcelona.
Ndërkohë mediat bëjnë me dije se Luis de la Fuente është trajneri i ri i kombëtares spanjolle të futbollit që ka zëvendësuar Luis Enrique. 61 vjeçari që deri tani ka mbajtur postin e teknikut të U-21 te Spanja do kalojë në ekipin A, me lajmin që është zyrtarizuar nga federata e Spanjës.
Prej 2018 trajneri de la Fuente ka qenë në stolin e U-21 te Spanja, teksa më herët ka drejtuar edhe moshat e tjera të iberikëve. Karriera e tij ka kulmuar në vitet 2006-2011 kur ka qenë trajner i Athletico Bilbao. Trajneri i ri do të debutojë në mars 2023 në fazën kualifikuese për Euro 2024 dhe do të drejtojë dy ndeshjet e para kundër Norvegjisë dhe Skocisë. Pasi emërimi i tij të miratohet nga bordi i drejtorëve, Luis de la Fuente do të prezantohet të hënën më 12 dhjetor në orën 12:30 para medieve.
a.m/dita
