Ish-punonjësi i zyrës së Kadastrës në ish-Komunën Dushk të Lushnjës, është arrestuar nga policia. Agim Gjyla, 64 vjeç, akuzohet se falsifikoi dokumentet për të ndryshuar kufijtë e pronave.
Gjyla ishte shpallur në kërkim, pasi Gjykata e Shkallës së Parë Lushnjë, e ka dënuar me 1 vit burgim, për veprën penale “falsifikimi i dokumenteve”. “Në vitin 2018, gjatë kohës që ka qenë punonjës i zyrës së Kadastrës në ish-Komunën Dushk, dyshohet se ka falsifikuar disa dokumente, me qëllim për të ndryshuar kufijtë e pronave. Materialet procedurale i kaluan Prokurorisë, për veprime të mëtejshme”, thanë burime policore.
