Deputetët e mazhorancës dhe ata të opozitës kanë debatuar në Komisionin e Ligjeve për projekt rezolutën e Departamentit të Administratës Publike për vitin 2021.
Deputeti i PD, Dashnor Sula tha se në vitin 2021, vit kur kishte edhe zgjedhje, janë punësuar 12 mijë persona më shumë në administratën publike.
Sula kërkoi ngritjen e një grupi pune për të parë nëse punësimet kanë pasur lidhje me zgjedhjet.
Ndërkohë, deputeti socialist Pandeli Majko tha se DAP nuk ka përgjegjësi për rritjen e punësimeve. Majko deklaroi se drejtuesja e DAP është personi që ministrat e “urrejnë” më shumë për shkak se është avokat i marrjes së aplikantëve në punë.
Enkeled Alibeaj nga ana tjetër, ka thënë se fakti i përmendur nga Majku nuk përbën garanci.
i.b. / dita
