Një aksident i rëndë ka ndodhur sot në mesditë, në aksin rrugor Librazhd-Prrenjas, ku një automjet i drejtuar nga një 20-vjeçar, ka përfunduar në humnerë. Burime policore bënë me dije se një automjet i tipit “Benz”, ka dalë nga rruga dhe ka rënë nga një lartësi e konsiderueshme, pasi shoferi ka humbur kontrollin e mjetit.
Për pasojë ka mbetur i lënduar 20-vjeçari me iniciale A. L., i cili është dërguar drejt spitalit të Elbasanit për ndihmë mjekësore më të specializuar, pasi ka marrë dëmtime në kokë. Aktualisht policia ndodhet në vendin e ngjarjes, ndërsa po heton për zbardhjen e shkaqeve të aksidentit.
