Një vajzë 20 vjeçare dhe një djalë 22 vjeç janë gjetur të vdekur në Rezervuarin e Çerkezës në Tiranë. Trupat e tyre janë nxjerrë nga polumbarët e RENEA-s pasi mëngjesin e sotëm u gjet një automjet i fundosur në Rezervuarin e ‘Çerkezës’ në Tiranë. Mjeti është konstatuar nga roja i sigurisë i cili ka njoftuar policinë.
Si rezultat i kërkimeve nga polumbarët e RENEA u bë e mundur nxjerrja nga mjeti i trupave të pajetë të shtetasve Erion Muça, 22 vjeç, dhe Dorina Gjokgjinaj, 20 vjeçe.
Me marrjen e njoftimit, shërbimet e Policisë kanë shkuar menjëherë në vendngjarje së bashku me shërbimet zjarrfikëse. Njëkohësisht drejt vendngjarjes janë nisur edhe polumbarët e Reneas, për të bërë të mundur nxjerrjen e automjetit nga rezervuari. Grupi hetimor po punon për zbardhjen e plotë të rrethanave të ngjarjes.
Njoftimi:
Në vijim të informacionit paraprak, i cili bënte fjalë për një mjet të fundosur në vendin e quajtur “Rezervuari i Çekrezës”, ju informojmë se:
Si rezultat i kërkimeve nga polumbarët e Reneas u bë e mundur nxjerrja nga mjeti i trupave të pajetë të shtetasve E. M., 22 vjeç, dhe F. Gj., 20 vjeçe.
Grupi hetimor po punon për sqarimin e plotë të rrethanave të ngjarjes.
a.m/dita
