Një aksident i frikshëm ka ndodhur pasditen e sotme në “Rrugën e Arbrit”, në afërsi të Klosit. Bëhet me dije se një makinë ka dalë nga rruga dhe ka përfunduar në greminë.
Si pasojë e këtij aksidenti janë plagosur dy turistë francezë, të cilat janë transportuar në spital. Nuk dihet gjendja e tyre shëndetësore. Kanë qenë banorët e fshatit ata që i kanë nxjerrë turistët nga makina dhe i kanë dërguar drejt Spitalit të Traumës në Tiranë.
“Në fshatin Xibër Hane, bashkia Klos, një automjet i garave “Rally”, ka dalë nga rruga dhe për pasojë janë lënduar shtetasit E.U., dhe A.I., (shtetas francez), të cilët po marrin ndihmë mjekësore në spital dhe ndodhen jashtë rrezikut për jetën. Grupi hetimor po punon për zbardhjen e plotë të shkakut të daljes nga rruga të automjetit”, thuhet në njoftimin zyrtar.
