Eksploziv makinës në Tiranë, shpërthen në ecje, ndërron jetë 27-vjeçari që e drejtonte

Një ngjarje e rëndë është regjistruar sot në Tiranë. Një mjet ka shpërthyer në ecje. Atij i ishte vendosur eksploziv.

Drejtuesi i mjetit, 27-vjeçari Aleksandër Sadikaj, si pasojë e plagëve të marra, ka ndërruar jetë në spital.

Policia njoftoi se grupi hetimor po vijon punën për zbardhjen e rrethanave të ngjarjes, identifikimin dhe kapjen e autorëve:

“Më datë 11.06.2022, në orën 13:35, në afërsi të TEG-ut, automjeti tip “Benz”, që drejtohej nga shtetasi A. S., 27 vjeç, ka shpërthyer, dyshohet nga lëndë eksplozive. Si pasojë, drejtuesi i mjetit ka humbur jetën në spital. Në vendngjarje ndodhen shërbimet e Policisë, ekipi antieksploziv i RENEA-s dhe Grupi hetimor vijon punën për zbardhjen e plotë të rrethanave të ngjarjes, identifikimin dhe kapjen e autorëve”, njofton policia.

a.m/dita