Përgjatë këtij viti kabinetet dentare nëpër shkollat e arsimit parauniversitar do të dyfishohen. Konfirmimin e ka bërë vetë ministrja e Shëndetësisë dhe Mbrojtjes Sociale, Ogerta Manastirli, teksa ishte në shkollën “Lasgush Poradeci”, ku kujdesi dentar për fëmijët po ofrohet me pajisje të reja.
Manastirliu bëri me dije se “falë investimit të Ministrisë së Shëndetësisë dhe Mbrojtjes Sociale, ashtu siç është bërë në shkolla të Tiranës, edhe në shkolla të Shkodrës, Elbasanit dhe Durrësit dhe qyteteve të tjera do të dyfishohen këtë vit kabinetet e reja dentare, një lajm i mirë ky për fëmijët, prindërit, mësuesit dhe të gjithë komunitetin”.
Që nga nisja e kontrolleve e deri më tani, mbi 30 mijë fëmijë kanë kryer depistime e trajtime për kujdesin e dhëmbëve në kabinetet dentare fikse në shkolla, si dhe përmes 2 klinikave stomatologjike Lëvizëse për fëmijët në shkollat e zonave rurale, që i kanë siguruar nxënësve akses dhe cilësi në shërbimin dentar me aparatura bashkëkohore.
p.k\dita
