Kryebashkiaku Erion Veliaj ka deklaruar se ky do të jetë mandati i tij i fundit në krye të bashkisë së Tiranës. Gjatë një interviste televizive, kryebashkiaku i ri i Tiranës, Erion Veliaj, tha se ky vendim vjen për shkak të kufizimit të ligjit, ku pas vitit 2015 nuk lejohen më shumë se 3 mandate.
“Do e le, bashkia e re do të jetë tek Bulevardi i ri. Presim vendimin e gjykatës për Kopshtin Botanik, shkollat i kemi në proces, do të marrim një vendim për vendosjen e dizajnit të Gjykatës së Lartë, kemi dy finalistë”, tha Veliaj.
Gjatë intervistës dy ditë pas zgjedhjeve ai u shpreh se financat e bashkisë aktualisht janë më të mëdha dhe rrjedhimisht administrimi është më i mirë.
- Publicitet -
“Do bëj rrugë edhe për atë që është në Kërrabë. 10- fishuam taksën për ndërtuesin. Unë s’po them që shijon taksa, por ka hequr spekulantët nga tregu. Ai ishte një treg bizare, çdo lloj zdromsi që s’merrte vesh fare mjaft të kishte lidhje me një kryebashkiak dhe hapte gropë pallati, 100 mijë leja, bëmë 10- fishim të shumës. Ai nuk e bën më me lek xhepi, kur taksa shkon 10 fish, kur merr nga banka është banka që siguron, është formalizuar, ikën pra amatorët, ka vetëm ndërtues të vërtetë, vetëm ata që dinë ta bëjnë këtë punë”, tha Veliaj.
m.b./dita
