Media italiane “La Repubblica” i ka kushtuar një artikull marrëveshjes mes Shqipërisë dhe Italisë për vendosjen e emigrantëve në zonën e Lezhës. Në artikullin e prestigjozes italiane thuhet se qendra e pritjes nuk do të jenë gati në 20 maj, por rreth datës 10 nëntor.
Media italiane shkruan se dokumentet e para zbulojnë blofin, pasi kostot për qendrën në Shqipëri vazhdojnë të rriten dhe rrezikojnë të arrijnë shifrën rreth një miliardë euro në pesë vjet. Sipas artikullit, kostot e ndërtimit të dy qendrave, ajo e pritjes në portin e Shëngjinit dhe kampi në Gjadër, duhet të konsiderohen buxhet shtesë pasi punimet që i janë besuar inxhinierëve do të kushtojnë rreth 65 milionë euro.
Artikulli shton se në ditët në vijim, Ministria e Brendshme italiane do të shpallë tenderin 36 milionë euro për menaxhimin e qendrave. Sipas La Repubblica, në shqyrtim janë ofertat e tre kompanive të përzgjedhura nga tridhjetë pjesëmarrësit.
Artikulli i plotë i La Repubblica:
Fillimi i punës më 23 mars, dorëzimi pritet pas 233 ditësh, pra më 10 nëntor. Kështu shkruhet në vendimin e Ministrisë së Mbrojtjes që i besoi inxhinierëve ushtarakë ndërtimin e qendrave për emigrantët në Shqipëri. Të cilat, megjithatë, sipas synimeve të kryeministres Giorgia Meloni dhe mbi të gjitha tenderit për menaxhimin e qendrave, duhet të hapnin hapur dyert në datën 20 maj.
Sheshet e ndërtimit sapo u hapën, do të duhen muaj
Në portin e Shëngjinit dhe në ish-bazën ushtarake të Gjadrit punimet janë në hapat e parë, po kryen inspektimet të cilat po nxjerrin në pah edhe një sërë vështirësish në zonë. Është e pamundur që qendrat të jenë gati deri në maj, do të duhen muaj, do të kalojë e gjithë vera. Dokumentet e para zbulojnë blofin, pasi kostot për qendrën në Shqipëri vazhdojnë të rriten dhe rrezikojnë të arrijnë shifrën rreth një miliardë euro në pesë vjet. Sepse shifrave zyrtare, të cilat arrijnë në rreth 150 milionë euro në vit shumëzuar me pesë vjet, duhet t’i shtohen edhe kostot e rimbursueshme në fund të listës, për transportin dhe kujdesin shëndetësor dhe, për sa i përket strukturave, nënkontraktat.
Fondet ekstrabuxhetore të devijuara
Gjithashtu kostot e ndërtimit të dy qendrave, ajo e pritjes në portin e Shëngjinit dhe kampi në Gjadër, duhet të konsiderohen buxhet shtesë. Punimet që i janë besuar inxhinierëve do të kushtojnë rreth 65 milionë euro. Para të cilat pjesërisht janë marrë nga një projektligj që ka të bëjë me përdorimin e fondeve të Pnrr, siç nënvizuan përfaqësuesit e opozitës.
“Çdo ditë që kalon blofi i marrëveshjes Itali-Shqipëri bëhet gjithnjë e më i qartë, thotë Matteo Mauri. Kostot rriten çdo muaj. Në një dekret të marsit shtuan edhe 65 milionë euro të tjera, duke thyer tavanin prej 700 milionësh. Një shumë joproporcionale parash për të bërë diçka krejtësisht të padobishme”.
Është dhënë tenderi për menaxhimin e qendrave
Në ditët në vijim Ministria e Brendshme do të shpallë tenderin 36 milionë euro për menaxhimin e qendrave. Në shqyrtim janë ofertat e tre kompanive të përzgjedhura nga tridhjetë pjesëmarrësit. Ende për t’u shpallur është ai për furnizimin me module parafabrikate që do të vendosen në zonat kur inxhinierët dhe nënkontraktorët të kenë përfunduar gërmimin e tyre, rikuperimin e tyre, ndërtimin e kanalizimeve dhe sistemeve, pa kufi shpenzimesh.
j.l./ dita
Aman ere se na moret ne qafe! Mezi po presim te hapet kampi Rama-Meloni.
Sa më shpejt të vijnë emigrantët afro aziatik, aq më mirë do të jetë. Jam një bujk pensionist dhe më kan ngelur rreth 200 dëngje me barë në fushë dhe nuk po gjej njerëz t’ mi ngarkojnë e t’mi sjellin. Ky është problem jo vetëm për mua që nuk kam takat si pleqëei të ngre dëngjet por edhe për të tjerë si unë, sepse në fshatin tim ikën të gjithë të rinjët në moshë pune në emigrim prandaj
i lutem shumë shokut Rama dhe partneres së tij sinjora Melonit sa më shpejt të sjellin emigrantët dhe të mos i mbajnë të mbyllur në kampe përqëndrimi me mure 7m të lartë por ti shpërndajnë në fshatra dhe një rrugë e dy punë, do të jenë edhe ndihmë për punët e bujqësisë për ne pensionistët që kemi ngelur në fshat dhe të ripopullohet fshati tashma i zbrazur nga mosha vitale. Mundësisht emihgrantët afro aziatik të sillen familjarisht, edhe me kalamanët që të popullohen klasat e shkollës me nxënës se kanë ngelur me nga 5 nxënës dhe rrezikohen të mbyllet si shkollat e tjera të zonës. Për strehimitn nuk ka problem, janë në fshat rreth 53 shtëpi të braktisura ku nuk banon as që do të banoj më njeri.
Po të vijnë emigrantët afro aziatik që “nuk meren me thashetheme, nuk janë dembela, janë profesionistë dhe nuk kërkojnë rroga të larta dhe …….nuk flasin shqip” projekti i shokut Rama për agro turizmin do të realizohet plotësisht, fshati ynë do të lulëzoj, Shqipëriaa e zbrazur deri në nivelin e krimit të spastrimit etnik do të ripopullohet me sukses, nga 3000 emigrant çdo muaj, 36 000 në vit dhe deri në vitet 2030 do të arrijmë rekrdin 4 miljon banorë dhe me popullsinë me moshë mesatare më të re në botë dhe ne pensionistë do të shkojmë të qetë në atë botë se do të lem shtëpitë tona , fshatrat tanë në duar të sigurta.
Ju lutem shoku Rama dhe sinjora Meloni shpejtoni zbatimin e marrveshjes tuaj , ne pensionistët e paktë që kemi ngelur në fshatra mezi po presim emigrantët se nuk kemi më takat që të punojmë në bujqësi.
Demo dhe !!?, mos u merzitni.Beni durim.
Se shpejti kryeministri I nderuar z.Rama ka nje surprise te re per popullin.
Analizat e Shell per naften e Shpiragut kane dale me shume se c’pritej.
TAP-i nuk na duhet me.Do te jemi te tretet ne bote pas Venezueles per prodhim dhe shitje te naftes.
Zj.dita ! Shpiragut I ka ikur edhe zeri edhe figura.
Mos keni zbuluar grup pucist ne nafte dhe e mbani te fshehte?
Transparence zj.dita.Internet thote jo mire per Shell.