Shoferët jo vetëm shkaktojnë aksidente, por vijojnë të jenë të pabindur ndaj Kodit Rrugor dhe ndëshkimeve. Policia Rrugore njoftoi se ka prangosur për shkelje të ndryshme dhe aksidente gjatë muajit prill, 154 drejtues mjetesh, prej tyre 98 për drejtim të mjetit nën efektin e alkoolit dhe 56 për drejtim të mjetit pa leje drejtimi. Shifra të frikshme këto përsa i përket shkakut të pijeve alkoolike. Gjithashtu janë pezulluar 1468 leje drejtimi, prej tyre 1222 për tejkalim të normave të shpejtësisë, 176 për drejtim mjeti nën ndikimin e pijeve alkoolike dhe 70 për shkelje të tjera të Kodit Rrugor.
Prilli i frikshëm, çdo ditë nga 50 patenta të pezulluara për shpejtësi dhe alkool!
