Ukraina dhe Moldavia do të hapin së bashku grupin e parë të negociatave në kuadër të procesit të anëtarësimit në Bashkimin Evropian (BE), njoftoi Komisionerja e Zgjerimit e BE-së, Marta Kos, pas një takimi me Zëvendëskryeministren e Ukrainës për Integrimin Evropian dhe Euroatlantik, Olga Stefanishina.
“Një bisedë produktive me Olga Stefanishina për të konfirmuar mbështetjen tonë për hapjen e klasterit të parë me Ukrainën dhe Moldavinë në të njëjtën kohë dhe sa më shpejt të jetë e mundur”, shkroi Komisionerja Evropiane në Platformën X.
Sipas saj, Ukraina ka arritur “përparim të konsiderueshëm në reforma” dhe Komisioni Evropian i dha “një rekomandim të qartë pozitiv Këshillit të BE-së për të ecur përpara me grupin e parë”.
Stefanishyna konfirmoi angazhimin e Ukrainës për bashkëpunim me shtetet anëtare në procesin e anëtarësimit në BE.
“Fola me Komisioneren Evropiane për Zgjerimin, Marta Kos, rreth hapave të ardhshëm në përgatitje për hapjen e klasterit të parë. Përsërita angazhimin tonë për t’u angazhuar me shtetet anëtare për të zgjidhur të gjitha çështjet e mbetura. Pres me padurim takimin tonë në Bruksel”, deklaroi Stefanišina në Platformën X.
Mediat ukrainase raportuan se më parë Bashkimi Evropian kishte shqyrtuar mundësinë e ndarjes së aplikimeve për anëtarësim të Moldavisë dhe Ukrainës.
i.b./dita
