Tafik Tashi, i cili mesditën e djeshme vrau me sëpatë kunatën e tij, Alma Qevani ka deklaruar se e vrau kunatën pasi ajo nuk lejonte të motrën të shkonte në shtëpinë ku jetonte me të.
Kjo ka qenë edhe pikënisja e konfliktit që përfundoi tragjikisht.
Para hetuesve, Tafik Tashi ka pohuar gjithashtu se motra e bashkëshortes e ofendonte dhe kohët e fundit i ka thënë “je impotent”.
“Kishte kohë që më ofendonte nuk munda ta duroj dot. Thoshte sa herë, madje edhe në prani të familjarëve, fjalën impotent”, tregoi ai.
Policia tha se fillimisht ka pasur një debat mes autorit të ngjarjes dhe kunatës së tij, motrës së gruas, që më pas degradoi deri në vrasje.
58-vjeçari ka qenë në gjendje të dehur në momentin e krimit ndërsa pas arrestimit u tha hetuesve se Alma e kishte sharë dhe kjo ishte arsyeja që e kishte nxehur dhe e kishte goditur.
Gjatë rrëfimit ai nuk ka shfaqur asnjë shenjë pendese dhe thotë se ka bërë gjënë e duhur.
Gruaja fillimisht u dërgua në spital, por nuk mundi t’u mbijetojë plagëve të rënda.
j.l./ dita
