Në kryeqytetin e Danimarkës, Kopenhagen, do të mbahet sot Samiti i 7-të i Komunitetit Politik Evropian, ku marrin pjesë udhëheqës nga gjithë Evropa. Të pranishëm do jenë liderët e 27 vendeve anëtare të BE-së, si dhe 22 vendeve të tjera.
Ndër ta, pjesmarrës do të jetë kryeministri Edi Rama, si edhe presidentja e Kosovës, Vjosa Osmani.
BE-ja do të përfaqësohet nga Antonio Costa, Presidenti i Këshillit Evropian, dhe takimi do të bashkëkryesohet nga ai dhe Mette Frederiksen, kryeministrja daneze.
Pikat kryesore të diskutimit konsistojnë në forcimin e Ukrainës, mënyrat për të përmirësuar stabilitetin dhe sigurinë e Evropës dhe situatën e sigurisë në kontinent.
Samiti vjen një ditë pas takimit joformal të Këshillit Evropian, i cili gjithashtu kishte në fokus situatën në Ukrainë dhe mbrojtjen evropiane.
j.l./ dita
