Ka mbërritur në Turqi skuadra e kërkim-shpëtimit dhe ndihmës shëndetësore, e dërguar nga ana e shtetit të Shqipërisë.
Kështu ka bërë të ditur kryeministri i Shqipërisë, Edi Rama përmes një postimi në Facebook.
“Mbërriti në Turqi skuadra e kërkim-shpëtimit dhe e ndihmës shëndetësore e dërguar nga shteti shqiptar”, ka shkruar Rama.
Një mision ndihme nga Forcat e Armatosura të Shqipërisë, dhe Agjencia Kombëtare e Mbrojtjes Civile, në përbërje të të cilit janë 88 personel mjekësor, specialistë të kërkim-shpëtimit si dhe 9 mjete po qëndrojnë në Turqi.
Më shumë se 5000 njerëz ndërruan jetë në të dyja anët e kufirit Turqi-Siri kur tërmeti me magnitudë 7.8 goditi pak pas orës 4 të mëngjesit të së hënës me orën lokale.
Deri të hënën vonë, të paktën 300,000 batanije, 24,712 shtretër dhe 19,722 tenda ishin dërguar në zonat e prekura nga tërmeti.
j.l./ dita
