“Mbështetja për Ukrainën s’duhet të jetë peng i politikave të brendshme”, Rama thirrje shteteve: Mos gaboni!

Kryeministri Edi Rama, hapi punimet në samitin për Ukrainën që po mbahet në Tiranë. Kreu i qeverisë shqiptare foli për një të ardhme të përbashkët.

Në fjalën e tij, Rama tha se Vladimir Putin nuk ia arriti që të mposhtë vullnetin e popullit ukrainas.

“Kjo është një luftë që as Ukrainë dhe as kombet nuk e zgjodhën, por një ngjizje nga një njeri. Prania juaj këtu është një kujtese që ai nuk ia ka dalë.

Rusia neoimperialiaste nuk ja ka dalë të shtypë vullnetin e popullit ukrainas. Nuk ia ka dalë të shtypë të vërtetën.

Putini donte ta fshinte Ukrainën nga harta për çështje dite, Por sot Ukraina është më e ankoruar se kurrë në Evropë.

Ai theksoi se “ka oportunistë cinikë që thonë se se të ndihmosh Ukrainën në qëndresën e saj ndaj ushtrisë pushtuese pengon kauzën e paqes”.

Por kreu i qeverisë shtoi se “të shpërblesh agresor nuk sjell paqe, por shtron terrenin për më shumë luftë”.

“Duam të përtërijmë thirrjen tonë ndaj Rusisë për të ndalur këtë luftë.

Mblidhemi për të konfirmuar përgjigjen tonë. Jemi të vetëdijshëm për kufizimet tona, vetë nuk kemi kapacite për mbështetje financiare e ushtarake që Ukraina ka nevojë. Më lini t’i kërkoj gjithkujt këtu, të bashkohen me thirrjen time për anëtarët më të pasur të bashkësisë tonë demokratike të njohur rolin e tyre, jetesa e Ukrainës si një shtet i lirë i pavarur e demokratit varet nga mbështetja financiare dhe ushtarake që ata ofrojnë. Nuk duhet të jetë peng i politikave të brendshme dritëshkurtra, i vonesave burokratike. Mos gaboni, Ukraina nuk po lufton vetëm për veten por për gjithçka ne besojmë, qëndrojmë e punojmë.

Ka oportunistë cinikë se të ndihmosh Ukrainën në qëndresën e saj ndaj ushtrisë pushtuese pengon kauzën e paqes, por atyre dua tu them sot se mënyra për t’i dhënë fund luftës nuk është të çarmatosim viktimën por të ndalim agresorin. Të shpërblesh agresorin nuk sjell paqe, por shtron terrenin për më shumë luftë”, tha Rama.

j.l./ dita