KronikeLajmi i fundit

Mbetet në burg, GJKKO rrëzon sërish kërkesën e Belerit për masë më të lehtë sigurie

Gjykata e Posaçme ka rrëzuar kërkesën e Fredi Belerit për lehtësim të masës së sigurisë. Kryebashkiaku i zgjedhur i Himarës, kishte ankimuar masën arrest me burg dhe kërkonte një masë më të lehtë, por kjo kërkesë nuk u pranua nga trupa gjykuese: Erjon Çela, Irena Gjoka dhe Flora Hajredinaj.

Në senacën e sotme (28 dhjetor) ishte i pranishëm edhe Vangjel Dule, ndërsa Beleri ka afat 5 ditë kohë për të ankimuar vendimin e GJKKO në Apel.

“Personi nën hetim Dhionisios Alfred Beleri, më datë 26.12.2013 ka paraqitur pranë Gjykatës kërkesën me objekt: Revokim ose zëvendësimin e masës së sigurimit. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarët Erjon Çela, Irena Gjoka dhe Flora Hajredinaj, bazuar në nenet 112 dhe dhe 260 të K.Pr.Penale, me vendimin Nr. 552, datë 28.12.2023, vendosi:

- Publicitet -
Rrëzimin e kërkesës së kërkuesit (të pandehurit) Dhionisios Alfred Beleri, me Nr. 522 Regj. Them. Dt. Regj. 26.12.2023 me objekt “Revokim ose zëvendësim të masës së sigurimit personal “Arrest në burg”. Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar, brënda 5 ditëve, afat i cili fillon nga dita e nesërme e njoftimit të vendimit”-njofton GJKKO.
Fredi Beleri u arrestua në ambientet e një lokali në Himarë, vetëm 2 ditë para zgjedhjeve lokale të 14 majit, pasi u kap në flagrancë bashkë më bashkëpunëtorin e tij Pandeli Kokaveshi duke blerë vota. Beleri nuk ka mundur të marrë detyrën, pasi autoritetet gjyqësore nuk i dhanë leje për të kryer betimin. Kjo çështje është bërë temë kryesore edhe në marrëdhëniet mes Greqisë dhe Shqipërisë.

 

p.k\dita

Shpërndaje këtë artikull