Një 26-vjeçar shqiptar ka rënë në prangat e policisë italiane pasi gjatë një kontrolli të ushtruar në banesën e tij në Rimini i është gjetur gati 1 kg kokainë.
Sipas mediave vendase, i riu shqiptar ishte nën vëzhgimin e policisë prej disa kohësh për shkak të lëzijeve të dyshimta të tij dhe disa informacioneve të marra në rrugë informative. Mëngjesin e 10 gushtit policia e Riminit rrethoi shtëpinë e tij, për të parandaluar arratisjen apo fshehjen e drogës, duke simuluar një kontroll nga zyra e emigracionit.
Ata hynë brenda për të kryer një kontroll në shtëpi dhe brenda një grope poshtë bidesë në banjo gjetën mbi 1kg kokainë të ndarë në copa të shumta me peshë të ndryshme, një shufër precize dhe 5685 € në para.
Në sajë të zhvillimit të informacionit të parë të mbledhur, më pas, u identifikua një dhomë magazinimi brenda së cilës, pasi u hap dera me forcë, u gjet lëndë prerëse, material për paketimin e dozave dhe një makinë për paketimin me vakum.
Me urdhër të prokurorit, shqiptari u dërgua në burgun lokal në pritje të gjykimit të vlefshmërisë.
j.l./ dita
