Më shumë se 250 raste të helmimit nga kërpudhat janë regjistruar në Francë që nga fillimi i gushtit. Ky është dyfishi i shifrës, krahasuar me të njëjtën periudhë të vitit 2022.
Ekspertët paralajmërojnë se aplikacionet që pretendojnë se identifikojnë lloje të ndryshme kërpudhash mund ta kenë gabim, ndaj u bëjnë apel njerëzve që të mos mbështeten në teknologji për të dalluar kërpudhën e ngrënshme nga helmuesja.
Moti me shi në disa rajone thuhet se qëndron pas rritjes së tyre.
Në vitin 2022, ka pasur më shumë helmime të raportuara në qendrat e kontrollit sesa në vitet e mëparshme, një trend në rritje vjetore në Francë. Vitin e kaluar u helmuan 74 fëmijë të vegjël, përfshirë një fëmijë 11 muajsh, i cili kërkonte qëndrim në terapi intensive.
Shqetësuese, një pjesë e të helmuarve kishin përdorur aplikacione njohjeje në telefonat inteligjentë, duke sugjeruar se ata nuk janë të pagabueshëm.
Autoritetet thonë se për të shmangur edhe më shumë helmime këtë sezon të kërpudhave, vjelësit duhet të konsultohen me një ekspert përpara se t’i konsumojnë ato.
Kërpudhat helmuese shpesh mund të ngjajnë shumë me ato që janë të përshtatshme për t’u ngrënë.
Ata gjithashtu kanë paralajmëruar se kërpudhat e mbledhura nuk duhet t’u ushqehen fëmijëve shumë të vegjël dhe se shumë aplikacione të smartfonëve që pretendojnë se i identifikojnë ato kanë një rrezik të lartë gabimi.
Kujtojmë se pak javë më parë, në Australia një çift vdiq pasi hëngrën kërpudha në një pjatë të gatuar nga ish-nusja e tyre.
j.l./ dita
