Ka përfunduar mbledhja e Grupit Parlamentar të Partisë Socialiste në kryesinë e Kuvendit, ku i pranishëm ishte edhe kryeministri Edi Rama.
Pas përfundimit të mbledhjes që zgjati gati 30 minuta, kreu i socialistëve u largua nga Kryesia teksa u shoqërua nga ministri i Drejtësisë Ulsi Manja deri në oborrin e Kryesisë.
Mësohet se është vendosur që Amnistia Penale të kalojë për votim në seancen plenare të javës së ardhshme, jo këtë të enjtje. Që Aministia Penale të miratohet në Kuvend duhen 84 vota, që deri më tani mazhoranca nuk i ka siguruar.
Në fokus të këtij takimi, ndër të tjera ishte dhe marrëveshja me opozitën për rikthimin e jetës normale parlamentare.
Në mbledhjen e socialistëveu diskutua edhe agjenda parlamentare e kësaj jave, teksa me opozitën kanë rënë dakord për ngritjen e dy komisioneve hetimore; “Ngritjen e Komisionit Hetimor të Kuvendit për shërbimin publik të Sterilizimit dhe shërbimin publik të Check-up në shëndetësi” dhe “Ngritjen e Komisionit Hetimor të Kuvendit për Trajtimin e të Dhënave të sistemit TIMS.”
Gjithashtu u ra dakord që në Komisionin për Çështjet Ligjore, Administratën Publike dhe të Drejtat e Njeriut, të krijohet hapësira dhe kushtet e nevojshme nëpërmjet një mekanizmi të barabartë dialogu mes shumicës dhe pakicës parlamentare, që në mënyrë transparente, trajton me qëllim gjetjen e konsensusit, çështje që kërkojnë diskutim politik konstruktiv e gjithëpërfshirës, ligjet që kërkojnë shumicë të cilësuar dhe legjislacionin e nevojshëm për ecurinë e negociatave të anëtarësimit të Shqipërisë në Bashkimin Europian.
Kujtojmë se konsensusi ka ardhur pas 5 muajsh bllokim të Kuvendit nga opozita, si në seancat plenare ashtu dhe në komisionet parlamentare.
j.l./ dita
