Mblidhet Komiteti i Emergjencave për Shkodrën, Peleshi: Kemi dërguar 120 trupa shtesë

Komiteti i Emergjencave është mbledhur ditën e sotme pas situatës së rëndë të krijuar në qarkun e Shkodrës pas përmbytjeve masive në disa fshatra.

Duke folur në takim prefektja e Shkodrës, Majlinda Angoni u shpreh se situata është nën kontroll pavarësisht se ka banesa nën ujë.

Ministri i Mbrojtjes Niko Peleshi tha se situata nuk ka të krahasuar me vitet e tjera teksa u kërkoi bashkive të përdorin fondin e alokuar nga fondi i emergjencave.

Peleshi tha se janë dërguar edhe 120 trupa të Forcave të Armatosura shtesë në zonë.

“Në këto momente duhet të jemi të gjithë bashkë per të ndihmuar njerëzit. Në prioritet kemi jetën e njerëzve. Jam ndjerë keq për aksidentin. Kemi dërguar 120 trupa shtesë. Do i kërkoja të gjitha bashkive të përdorin fondin e alokuar nga fondi i emergjencave. Kjo situatë nuk ka të krahasuar me vitet e tjera.Presim përmirësim te situatës. Ti lëmë dallimet. Më vjen keq që hapet panik. Sot nuk ka lidhje politika”, tha ai.

Për situatën foli dhe Drejtori i OSHEE Shkodër, Armand Zhuka dhe tha se të gjitha fidrat janë në punë përveç Kelmendit.

“Të gjitha fidrat janë në punë, përvec Kemendit. Puka 100% me energji, edhe Shkodra. Stafi ynë është në punë, por punojnë edhe për difektet jemi në gatishmëri dhe ia kemi dalë, puna do vazhdojë”, tha ai.

j.l./ dita