Mbyllen sot aplikimet për drejtuesit e policisë në qarqe, zbardhen emrat

Kjo e martë 29 tetor shënon dhe ditën e fundit të afateve të aplikimeve për drejtuesit e rinj të policisë në 12 qarqet e vendit.

Dokumentacionin i nevojshëm nga personat e interesuar mund të dorëzohet deri në orën 16:30.

Deri më tani, 30 kandidatë kanë shprehur interes për pozitat e drejtuesve të qarqeve, përfshirë emra të njohur nga policia. Midis aplikantëve janë:

Toni Vocaj, aktualisht drejtues i policisë në Tiranë

    Alfred Elezaj, drejtues i policisë në Lezhë

    Skënder Hitaj, drejtues i policisë në Durrës

    Gjovalin Loka, drejtues i policisë në Korçë

    Ermal Muça, drejtues i policisë në Vlorë

    Ardjan Çipa, drejtues i policisë në Gjirokastër

    Lorenc Panganika, drejtues i policisë në Fier

Ende nuk është e qartë nëse këta kandidatë po konkurrojnë për pozitat aktuale apo për ato në qarqe të tjera.

Nga ana tjetër, drejtori i qarkut të Beratit, Kastriot Skënderaj, dhe ai i qarkut të Shkodrës, Edmond Sulaj, ende nuk kanë dorëzuar aplikimet e tyre.

i.b./dita