Në një intervistë televizive, presidenti Bajram Begaj, ka reaguar për herë të parë për çështjen Charles McGonigal, ish-shef i zyrës së kundërzbulimit të FBI-së në New York, i cili është nën akuzë për fshehjen e takimeve me kryeministrin Rama dhe për pastrim parash.
“Pres që të bëjnë analizat dhe deduksionet e tyre institucionet kompetente dhe më pas të dal me opinionin tim personal”, tha presidenti Begaj.
Ai vlerësoi kërkesën e opozitës në SPAK për të hetuar këtë çështje dhe përfshirjen e Kryeministrit në dyshimet për të korruptuar zyrtarin e lartë të FBI-së.
Nga ana tjetër kërkoi më shumë besim tek institucionet e drejtësisë.
“Shumë mirë që opozita i është drejtuar institucioneve ligjzbatuese në vend për t’u marrë me procesin.
Dhe kështu duhet të jetë. Duhet të kemi besim tek institucionet”, pohoi Presidenti i Republikës në RTSH.
m.b./dita
