Më 20 Prill 2023, do të ketë një eklips të rrallë diellor dhe që quhet hibrid. Fatkeqësisht për shumicën dërrmuese të botës, ajo nuk do të jetë e vëzhgueshme. Megjithatë, për ata në Australinë Perëndimore, Timorin Lindor dhe ishujt lindorë të Indonezisë, do jetë shfaqje spektakolare sipas astronomëve. Ky eklips njihet si një eklips hibrid, sepse do të zhvendoset nga një eklips total, në një eklips diellor unazor, ndërsa hija e hënës vrapon mbi Tokë. Për disa vende në shtegun e eklipsit diellor, shikuesit do të dëshmojnë një eklips diellor total, ndërsa në pjesë të tjera, ata do të dëshmojnë eklipsin diellor unazor në formë unaze. Në të dyja rastet, hëna do të kalojë midis Tokës dhe diellit, duke bllokuar të gjithë ose shumicën e dritës së diellit, në një pjesë të sipërfaqes së Tokës.
Eklipsi do të fillojë në orën 21:36. EDT më 19 prill (0136 GMT më 20 prill) dhe përfundon në orën 2:59 të mëngjesit EDT (06:59 GMT) më 20 prill, sipas “In the Sky”. Për shkak se eklipsi do të jetë i dukshëm fillimisht në Oqeanin Indian dhe më pas mbi Paqësor, do të jetë tashmë 20 Prilli sipas kohës lokale gjatë ngjarjes. Fatkeqësisht në këtë listë nuk bën pjesë Europa dhe as Shqipëria.
