Në formularin e dekriminalizimit, kandidati i Sali Berishës dhe Ilir Metës për Bashkinë Devoll, Elvis Hajdërlli deklaron zyrtarisht se në të shkuarën ka qenë falsifikator.
Ai shpjegon gjithashtu se është kapur, gjykuar dhe dënuar për këtë fakt.
Hajdërlli thotë se vepra e tij penale është kryer në shtetin grek disa vite më përpara ku nuk i ka shpëtuar dot prangave të policisë. Ai ka dalë parë organeve të drejtësisë për këtë vepër penale e cila të kushton ndër të tjera edhe 6 muaj burgim.
Hajdërlli thotë se dënimin e ka shlyer në Selanik, vend ku edhe u kap nga autoritetet. Ndërkohë, ajo që bie në sy janë përdorimi i disa emrave prej tij për të humbur gjurmët në organet hetimore.
Ai ka përdorur emrat, Romeo, Romi dhe Elvis ku motivi dyshohet se lidhet me aktivitetin e tij të mëparshëm kriminal. Hajdërlli kishte mohuar vazhdimisht të kishte pasur ndonjëherë probleme me drejtësinë duke ja fshehur dënimin qytetarëve.
U deshën detyrimet ligjore që ai të dëshmonte shkresërisht para Komisionit Qëndror të Zgjedhjeve, ku zbuloi në formuar këtë fakt të rëndësishëm për një person që synon të marrë drejtimin e bashkisë. Sipas ligjeve të shtetit fqinj, kjo konsiderohet një ndër veprat e rënda penale e përdorur kryesisht nga grupet e strukturuara kriminale lidhur me trafikimin e qenieve njerëzore.
Nuk dihet nëse autoritetet ligjzbatuese do i heqin të drejtën për të kandiduar ashtu siç kanë vepruar me një sërë kandidatësh apo kryebashkiakësh të tjerë që rezultuan me probleme me ligjin për të shkuarën e tyre kriminale.
m.b./dita
