Pse e ka ndërruar Saliu datën e lindjes sipas dy prej ish-njerëzve të tij më të afërt

Ish-kryeministri Sali Berisha, tashmë i shpallur non grata nga SHBA dhe Britania e Madhe për korrupsion, mund të përballet me një hetim të ri nëse SPAK merr në konsideratë kallzimin e bërë nga avokati Idajet Beqiri.

Berisha ka qenë në fakt gjithnjë ka qënë në qendër të vëmendjes për fjalorin e rëndë që ka përdorur dhe përdor kundër kundërshtarëve të tij. Ai nuk ka bërë kurrë dallim, nëse përballë ka pasur politikanë meshkuj apo femra, duke mos i matur fjalët, pjesa më e madhe e të cilave kanë qënë jashtë standardit etik të një njeriu publik.

Mero Baze dhe Izet Haxhia kanë qenë dy nga njerëzit më të afërt të Berishës, në kontakte të ngushta me të dhe me familjen e tij.

Të dy, veç dëshmive akuzuese për abuzimet e tij me pushtetin, kanë bërë në kohë të ndryshme edhe dy rrëfime  shumë specifike.

Baze dhe Haxhia kanë një shpjegim në terma shumë sensitivë për sjelljen vulgare të Berishës dhe maninë e tij për përgjime apo për të sulmuar kundërshtarët nga gratë.

Ata e lidhin këtë sjelllje me një kompleks të zhvilluar te Berisha, si fryt i një jete aspak normale në raport me gjininë e kundërt dhe jetës së trazuar në fëmijëri.

Të dy kanë deklaruar se Saliu ka qenë dëshmitar i një inçesti në familjen e tij në fshatin Viçidol. Baze e përmendi sot në një replikë me Berishën por e ka përmendur edhe më herët:

“Fëmijëria e tij e hidhur, ka po ashtu një rast përgjimi dhe dëshmie incesti pas frëngjisë së kullës, që e ka bërë atë t’i rrijë larg asaj kulle dhe prindërve të tij, që nga vitet ‘60. Dhe vesi del bashkë me shpirtin” – shkruante ai në 2016.

Edhe sipas ish-truprojes, ky fakt të rëndë ka ndikuar shumë në karakterin e Berishës.

“Një skenë incesti brenda familjes e ka tronditur përfundimisht fëmijën Sali Berisha dhe ka krijuar një qasje aspak normale të tij ndaj femrave” – ka vënë në dukje disa herë Haxhia, duke shpjeguar se kjo ka qenë arsyeja pse Berisha nuk ka folur thuajse kurrë për familjarët e tij.

Në fakt, ish-presidenti dhe ish-kryeministri i këtij vendi ka qëndruar për afër 60 vite larg kullës në Viçidol. Nga viti 1960 kur shkoi për herë të parë në shkollë të mesme, vajtjet e Berishës në vendlindje numërohen me gishtat e dorës. Kompleksi i fëmijërisë e ka bllokuar që të shohë të afërmit e tij?

Një histori tjetër me po këto ngjyra tregohet edhe për faktin e habitshëm që Berisha ka dy ditëlindje. Ai ka lindur më 1 korrik 1944, por më pas ai e ka ndryshuar datëlindjen në 15 tetor 1944.

Baze ka shkruar më herët se Berisha si ish-komunist fanatik dhe i ngjitur pas njerëzve me pushtet, e ndërroi datëlindjen për ta patur një ditë përpara 16 tetorit, që është edhe ditëlindja e Enver Hoxhës.

Por Haxhia, jep një version krejt tjetër. Ai rrëfen një histori të çuditshme që nis në vjeshtën e vitit 1943, me strehimin e një partizani të plagosur serbo-boshnjak në kullën e Viçidolit. Që u ndoq me pushkë pasi “fyeu nderin e kullës”, por arriti të shpëtonte.

Një histori që ka qarkulluar nën zë për vite me radhë brenda fisit Berisha dhe që  e detyroi më pas Berishën të shtynte 4 muaj datën e lindjes për ta larguar hijen e atij dyshimi nga vetja, – sipas Izetit.

“Unë e kam dëgjuar me kohë historinë, por thoja me vete është shpifje komunistesh. Në fakt ma ka konfirmuar një i afërm i fisit Berisha, burrë i moçëm që është dhe i afërm i imi.

Në vjeshtën e vitit 1943 një partizan i plagosur serb ishte strehuar për disa muaj në kullën e Berishajve në Viçidol. Lind një afeksion me nënën e Saliut, asokohe vajzë e re, por kjo lidhje diktohet nga Zeqir Halili, xhaxhai i Saliut, që ka qenë një burrë i mençur dhe diskutojnë një darkë me burrat e tjerë të fisit, për ta vrarë partizanin serb që u kishte prekur nderin.

Por Zeqiri shtiu mbi krevatin bosh, sepse serbi ia kishte mbathur pas njoftimit në kohë. Ky partizani serb (serbo-boshnjak) ka qëndruar në muajt shtator-tetor e nëntor në kullën e Berishës në vitin 1943, Saliu është lindur në 1 korrik 1944.

Po ju them dhe këtë: Berisha ka qenë gjithmonë  i kompleksuar nga ngjashmëria e tmerrshme që ka me Radovan Karaxhiçin. Radovani ka lindur në 19 qershor 1945. Babai Vuko Karaxhiç, ka qenë në fillim me çetnikët, dhe në mënyrë të pakuptueshme më vonë kaloi me partizanët”

Vetë Berisha është pyetur nga gazetarët mbi arsyet e ndërrimit të ditëlindjes kur u mbushën formularët e dekriminalizimit.

“Teknikalitet është sepse ka qënë një gabim për arsye tërësisht teknike. Kjo se kur ka ndodhur nuk e mbaj mend, po të hyj për ta gjetur e gjej” – u përgjigj ai.

——

Më shumë, mund të lexoni sot në DITA, versioni print i gazetës, në kioskat e shtypit në gjithë vendin