Një 42-vjeçar ka kallëzuar në polici se një person ka qëlluar me armë zjarri drejt tij, teksa ishte duke lëvizur me automjet. Kallëzimi është bërë nga 42-vjeçari Rudolf Zefi.
Në denoncimin e bërë në polici, ai është shprehur se drejt makinës së tij është qëlluar me armë nga persona të paidentifikuar.
Ngjarja ndodhi në orët e para të mëngjesit të sotëm (14 dhjetor), ndërsa policia po punon për zbardhjen e ngjarjes dhe identifikimin e autorëve.
Në vendin e ngjarjes është vendosur perimetri i sigurisë.
Njoftimi i Policisë:
Tiranë/Informacion paraprak
Më datë 14.12.2023, është paraqitur në Komisariatin e Policisë Nr. 3, shtetasi R. Z., 42 vjeç, i cili ka kallëzuar se në rrugën “Don Bosko”, rreth orës 06:45, një shtetas ende i paidentifikuar ka qëlluar me armë zjarri në drejtim të automjetit që drejtonte. Nga të shtënat me armë zjarri nuk ka persona të dëmtuar.
Grupi hetimor po punon për sqarimin e rrethanave të ngjarjes, identifikimin dhe kapjen e autorit.
j.l./ dita
