Ahmet Emre Olur, gazetar turk është deportuar mëngjesin e sotëm drejt Turqisë.
Shqipëria i ka refuzuar azilin politik shtetasit turk dhe e ka kthyer në Turqi në orët e para të mëngjesit këtë të dielë.
Emre Olur u ndalua dje në Rinas dhe u mbajt në komisariatin e policisë në aeroportin “Nënë Tereza”.
Ai kërkoi azil në Shqipëri me pretendimet se nëse ekstradohej drejt Turqisë, jeta e tij rrezikohej.
Emre Olur ka lindur në 1996 në Bahçelievler të Stambollit.
Ai njihet si “këshilltari i shtypit” i një organizate të akuzuar në Turqi për vepra kriminale. Olur, sipas Turqisë është zëdhënësi për mediat i Sedat Peker.
Ky i fundit prej dy vitesh nuk ka shkelur në tokën turke. Sipas mediave të atij vendi Peker, ka qëndruar në Kosovë, Maqedoninë e Veriut, Egjipt, ndërsa aktualisht ndodhet në Dubai.
Mediat turke raportojnë një detaj të rëndësishëm, për Emre Olur. Ato shkruajnë se ai mund të ketë nënshtetësi shqiptare dhe është thirrur nga autoritetet shqiptare, vetëm disa ditë pasi kishte udhëtuar drejt Dubait. Mësohet se autoritete shqiptare kanë pretenduar se turku Emre Olur kishte probleme me dokumentacionin, për këtë arsye e kanë thirrur për verifikime.
Në momentin që ai ka udhëtuar drejt Shqipërisë, është ndaluar dhe u mbajt në komisariatin e Rinasit.
Olur sipas mediave turke është tentuar të niset drejt Turqisë, por në këtë moment kanë ndërhyrë avokatët e tij duke thënë se atij i rrezikohej jeta.
Peker kishte një kanal në Youtube ku vitin e kaluar publikonte info mbi lidhjet mes politikës dhe drejtuesve të lartë të mafias.
Prej të paktën 6 muajsh, Peker postonte vetëm me profilin e Emre Olur, duke shmangur profilin e tij zyrtare në Twitter dhe rrjetet e tjera sociale.
j.l./ dita
More Emre i shkrete, po ketu tek Edrogani vellami i Erdoganit kerkon Azil zotrote?
TURP…
Çfare rendesie ka nese dike e blen Rusia, dike Turqia, dike ….., a nuk jane te gjithe te shitur?
E hongri edhe “Trimi”, po c’tu desh qe u dorzove vete ne Komisariatin e Polise ne aeroportin e Tiranes, me fal ne ate te Stambollit.
kjo qenka e stisur më duket
po të ishte ky turku antiErdogan do e dinte që Shqipëria është bastioni nr 1 i kapësve të antiErdoganëve dhe nuk kërkonte azil këtu