Izraeli u ka bërë thirrje palestinezëve që të shkojnë në Rripin jugor të Gazës , ku ndihma humanitare nga Egjipti dhe SHBA do të rritet sot, tha ushtria.
“Civilët nga Gaza veriore dhe qyteti i Gazës duhet të zhvendosen përkohësisht në jug të Rripit të Gazës në një zonë më të sigurt, ku ata mund të marrin ujë, ushqim dhe ilaçe”, tha ushtria izraelite.
“Nesër përpjekjet humanitare në Gaza, të kryera nga Egjipti dhe SHBA, do të rriten”, theksoi në postimin e saj ushtria izraelite, e cila ka bombarduar vazhdimisht Rripin e Gazës që nga sulmi i Hamasit në territorin e saj më 7 tetor.
Mediat palestineze raportuan në orët e para të mëngjesit se telekomunikacioni shërbimet telefonike dhe aksesi në internet kishin filluar të rikthehen gradualisht.
Ministria e Shëndetësisë e Hamasit njoftoi se numri i të vdekurve në Rripin e Gazës që nga shpërthimi i luftës me Izraelin më 7 tetor ka kaluar tashmë 8,000.
“Numri i të vdekurve për shkak të sulmit izraelit tejkalon 8,000, gjysma e të cilëve janë fëmijë”, informoi ministria AFP.
Izraeli ka zgjeruar më tej operacionet në Gaza me tanke dhe ushtarë. Hamasi raporton se bombardimet të reja janë duke u zhvilluar.
Ndërkohë, sipas mediave palestineze, janë duke u zhvilluar përleshje mes milicëve dhe forcave izraelite, të cilët kanë tentuar, ndër të tjera, të hyjnë në kampin e refugjatëve të Jabalia, në Gaza, dhe atë të Askarit, në lindje të qytetit të Nablusit.
Ndërsa izraeli nuk ndal sulmet, komunikimet telefonike dhe interneti në Gaza janë rikthyer dhe funksionojnë.
Kompania palestineze e telekomunikacionit njoftoi se komunikimet dhe shërbimet e internetit në Rripin e Gazës u ndërprenë plotësisht mes bombardimeve të rënda izraelite të linjave, kullave dhe rrjeteve që nga orët e vona të së premtes, duke lënë 2.3 milionë banorët e tij të shkëputur nga bota e jashtme mes bombardimeve të rënda ajrore dhe tokësore izraelite.
j.l./ dita
