Mediat e huaja kanë pasqyruar sot protestën e opozitës dhe incidentin që ndodhi me Sali Berishën.
Reuters shkruan se Berisha u godit me grusht në fytyrë nga një kalimtar i rastësishëm mashkull teksa drejtonte turmën e mbështetësve të partisë së tij në qendër të Tiranës për protestën antiqeveritare që po zhvillohet disa metra larg vendit të një samiti të BE-së.
Mbështetës të opozitës u mblodhën në qytet të martën, ndërsa Shqipëria pret samitin e parë BE-Ballkan, ku marrin pjesë krerët e vendeve anëtare të Bashkimit Evropian, për të protestuar kundër qeverisë së kryeministrit Edi Rama dhe për të kërkuar zgjedhje të parakohshme.
Ndërsa Berisha, i cili drejton Partinë Demokratike të qendrës së djathtë, ecte përpara mbështetësve të tij duke valëvitur flamujt shqiptarë dhe të BE-së, një burrë iu afrua dhe e goditi me grusht në fytyrë.
Berisha kishte gjak në fytyrë, por më vonë duhej të fliste në tubim. Sulmuesi është rrahur nga mbështetësit e Berishës dhe është arrestuar nga policia.
Berisha, një ish-kryeministër, është i ndaluar të hyjë në Shtetet e Bashkuara për korrupsion, – shkruan Reuters.
Edhe Ansa.it i ka dhënë hapësirë incidentit. Media italiane shkruan se ngjarja ndodhi ditën kur po mbahej samiti i BE, ndërsa thekson se agresori u ndalua menjëherë.
a.m/dita
Si gjest është i shëmtuar sepse pavarsisht kush është personi që u godit, është moshë e thyer, dhe askujt si vjen mirë ti’a godasin babain…
Po ata truproja aq te paafte çi mban kot, …i pari me syze e xhup me lara e la personin, Genc mjekërbukuri as e vuri re fare që i hyri edhe pse personi hyri në mënyre demonstrative, dy te tjeret pasi mbaroi punë djali, u kujdesën ta godisnin me pëllëmba si femra… dhe turpin dhe paaftesinë e vet e mbuluan në turmë… Erdhi vetëm nga paaftesia e truprojave aq.
Duhet ta ruajme Berishen si syte e ballit, se i duhet Rames per te fituar edhe nja dy mandate te tjera, pastaj shohim e bejme.