Presidenti serb Alkesandër Vuçiç është duke zhvilluar konsultime me anëtarët e qeverisë si dhe bashkëpunëtorët e Open Ballkan lidhur me vendimin nëse do të shkojë në Bruksel.
Sipas mediave serbe, Vuçiç, Rama dhe kryeministri maqedonas Dimitri Kovaçevski do të zhvillojnë edhe një herë bisedime për të rënë dakord nëse do të marrin pjesë në Samitin e Brukselit.
Pavarësisht se ende nuk kanë një vendim përfaqësuesit e Maqedonisë së Veriut po mendojnë të mos shkojnë për shkak të trajtimit të BE-së ndaj tyre.
Presidenti Vuçiç dhe kryeministri i Shqipërisë Edi Rama duan të solidarizohen, ndaj dhe vendimin do ta shpallin nesër.
Liderët e gjashtë vendeve të Ballkanit Perëndimor janë ftuar në Bruksel në ditën e parë të Samitit të Liderëve të BE-së, që do të mbahet më 23 dhe 24 qershor. Në samitin e 23 dhe 24 qershorit, liderët e 27 vendeve anëtare të BE-së do të marrin këtë javë në konsideratë aplikimet për statusin e vendit kandidat të Ukrainës, Moldavisë dhe Gjerogjisë.
a.m/dita
Shqiperia eshte shtet sovran dhe duhet te sillet si etille. Rruga jone nuk varet nga dakortezimi me armikun tone me te vazhdueshem. Jemi kojshi, por secili ka shtepine e vet. E i nderuari K-minister duhet te mendoje per vatren e vet dhe te zgjidhe problemet e Shqiperise e shqiptarve.