Një politikane nga Meksika, Maria Clemente Garcia Moreno, po përpiqet të ndalojë Lionel Messin të hyjë në Meksikë dhe ka paraqitur zyrtarisht një mocion kundër kapitenit të Argjentinës.
Ky mocion vjen pas disa pamjeve të publikuara në rrjetet sociale ku argjentinasi prek me këmbë fanellën me ngjyrat e flamurit meksikan.
Messi u pa teksa ndërronte fanellat me kapitenin e Meksikës, Andres Guardado, pas fitores vendimtare 2-0 të skuadrës së tij në stadiumin Lusail.
Ai u duk duke lëvizur me këmbë një fanellë të Meksikës, e cila ishte në dyshemenë e zhveshtores, me këmbën e tij ndërsa po hiqte këpucën.
Ylli argjentinas shkaktoi reagime nga meksikanët e tërbuar për veprimet e tij, duke përfshirë superyllin e boksit Canelo Alvarez që i dërgoi Messit një kërcënim.
“Dhoma e Deputetëve të Kongresit të Nderuar të Unionit kërkon me respekt Ministrinë e Punëve të Jashtme të lëshojë deklaratën përkatëse për të shpallur persona non grata brenda territorit të Shteteve të Bashkuara Meksikane shtetasit me kombësi argjentinase dhe spanjolle, Lionel Andres Messi Cuçitini, për shkak të përbuzjes së tij të dukshme dhe mungesës së respektit ndaj Meksikës gjatë Kupës së Botës të shtunën, 26 nëntor 2022”, thuhet në dokument.
a.m/dita
