Prokuroria e Tiranës ka kërkuar “arrest me burg” për mjekun Nazmi Metaliu dhe teknikun e imazherisë Astrit Masnaku, të arrestuar për korrupsion dhe shpërdorim detyre.
Në dosjen hetimore thuhet se gjithçka nisi kur një pacient që do bënte skaner i kanë shtyrë datën dhe kanë futur një tjetër në vend të tij. Ky pacient ka bërë kallëzim, më pas kanë futur një të infiltruar dhe kanë dokumentuar shkeljet që kryheshin në QSUT.
Nga përgjimet ka rezultuar se mjekët kishin ngritur një skemë korruptive me një shërbim publik. Ata fusnin njerëz jashtë radhe dhe merrnin deri në 120 mijë lekë të vjetra për çdo pacient që trajtohej në mënyrë preferenciale.
Hetimet kanë nisur disa muaj më parë, ndërsa hetuesit kanë dokumentuar disa raste të shkeljes së ligjit nga dy punonjësit e QSUT-së.
